ధర్మం కోసం వీరమల్లు పోరు

పవన్‌కల్యాణ్‌ ‘హరిహరవీరమల్లు’ చిత్రం ఈ నెల 24న ప్రపంచవ్యాప్తంగా విడుదలకు సిద్ధమవుతున్న విషయం తెలిసిందే. ఇటీవల విడుదల చేసిన ట్రైలర్‌ సినిమాపై మరింత అంచనాల్ని పెంచింది.

పవన్‌కల్యాణ్‌ ‘హరిహరవీరమల్లు’ చిత్రం ఈ నెల 24న ప్రపంచవ్యాప్తంగా విడుదలకు సిద్ధమవుతున్న విషయం తెలిసిందే. ఇటీవల విడుదల చేసిన ట్రైలర్‌ సినిమాపై మరింత అంచనాల్ని పెంచింది. 17వ శతాబ్దం నాటి మొఘల్‌ సామ్రాజ్యం నేపథ్యంలో తెరకెక్కిన ఈ చిత్రంలో చారిత్రక యోధుడు వీరమల్లుగా పవన్‌కల్యాణ్‌ కనిపించనున్నారు. నిరంకుశత్వానికి వ్యతిరేకంగా, న్యాయం కోసం, ధర్మం కోసం ఓ వీరుడి పోరాటానికి దృశ్యరూపంలా సినిమా ఆకట్టుకుంటుందని మేకర్స్‌ చెబుతున్నారు.

తాజాగా ఈ సిని మా సెన్సార్‌ కార్యక్రమాల్ని పూర్తిచేసుకుంది. యు/ఏ సర్టిఫికెట్‌ లభించింది. పాన్‌ ఇండియా స్థాయిలో భారీగా విడుదలకు సన్నాహాలు చేస్తున్నామని, అమెరికాలో కూడా అడ్వాన్స్‌ బుకింగ్స్‌కు అద్భుతమైన స్పందన లభిస్తున్నదని, ఈ నెల 20న విశాఖపట్నంలో ప్రీరిలీజ్‌ వేడుకను నిర్వహిస్తామని చిత్రబృందం పేర్కొంది. నిధి అగర్వాల్‌, బాబీ డియోల్‌, అనుపమ్‌ఖేర్‌, సత్యరాజ్‌, జిషుసేన్‌గుప్తా తదితరులు నటిస్తున్న ఈ చిత్రానికి సంగీతం: ఎం.ఎం.కీరవాణి, నిర్మాత: ఏ.దయాకర్‌ రావు, దర్శకత్వం: జ్యోతికృష్ణ, క్రిష్‌ జాగర్లమూడి.