ప్రశ్నించే ‘యూనివర్సిటీ’

‘పేపర్‌ లీకేజ్‌ అనేది విద్యావ్యవస్థకు పట్టిన గ్రహణం. గ్రూప్‌ 1, గ్రూప్‌ 2 లాంటి పరీక్షల్లోనూ పేపర్‌ లీకేజ్‌లు. ఇలా అయితే విద్యార్థుల భవితవ్యం ఏమవ్వాలి? నిరుద్యోగులు ఎన్నిసార్లు పరీక్షలు రాయాలి? ఈ ప్రశ్నలకు సమాధానమే నా ‘యూనివర్సిటీ’ ’ అన్నారు ఆర్‌.నారాయణమూర్తి.

‘పేపర్‌ లీకేజ్‌ అనేది విద్యావ్యవస్థకు పట్టిన గ్రహణం. గ్రూప్‌ 1, గ్రూప్‌ 2 లాంటి పరీక్షల్లోనూ పేపర్‌ లీకేజ్‌లు. ఇలా అయితే విద్యార్థుల భవితవ్యం ఏమవ్వాలి? నిరుద్యోగులు ఎన్నిసార్లు పరీక్షలు రాయాలి? ఈ ప్రశ్నలకు సమాధానమే నా ‘యూనివర్సిటీ’ ’ అన్నారు ఆర్‌.నారాయణమూర్తి. స్వీయ దర్శకత్వంలో ఆయన నటించి నిర్మించిన ఈ చిత్రం ఈ నెల 13న విడుదల కానుంది. ఈ సందర్భంగా ఈ సినిమాను హైదరాబాద్‌లోని ప్రసాద్‌ల్యాబ్‌లో ప్రత్యేకంగా ప్రదర్శించారు.

ప్రొషెసర్‌ హరగోపాల్‌, ప్రొఫెసర్‌ కంచె ఐలయ్య, ఐఏఎస్‌ అధికారి ఆకురాతి మురళి, బీసీ నాయకులు జాజుల శ్రీనివాస్‌గౌడ్‌, దర్శకుడు అనిల్‌ రావిపూడి తదితరులు ఈ చిత్రాన్ని వీక్షించారు. ఇది విద్యార్థులేకాదు, తల్లిదండ్రులు కూడా చూడాల్సిన సినిమా అని హరగోపాల్‌ అన్నారు. ప్రభుత్వ విద్యారంగం బలోపేతమైతే, పైవేటు విద్యారంగం కుదేలవుతుందని, ఫీజులకోసం తల్లిదండ్రుల్ని పీల్చిపిప్పిచేసే ఈ దారుణాలకు తెరపడుతుందని కంచె ఐలయ్య అభిప్రాయపడ్డారు.

విద్య, పని రాజ్యాంగం మనకిచ్చిన హక్కని, దానికోసం ఉద్యమించాల్సిన అవసరం ఎంతైనా ఉందని ఐఏఎస్‌ అధికారి ఆకురాతి మురళి అన్నారు. ఇంకా జూలూరి గౌరీశంకర్‌, పాశం యాదగిరి, సుద్దాల అశోక్‌తేజ, జయరాజ్‌, ప్రొఫెసర్‌ లక్ష్మణ్‌, ప్రొఫెసర్‌ లక్ష్మీనారాయణ, ప్రొఫెసర్‌ కాశిం, ఇంకా బి.సి నాయకులు గణేశాచారి, దర్శకులు కాశీవిశ్వనాత్‌, వైఎస్‌ కృష్ణేశ్వరరావు ఇంకా అనేక విద్యార్థి సంఘాల నాయకులు ఈ కార్యక్రమంలో పాల్గొన్నారు.