Sita Ramam Movie | ‘సీతారామం’ నుండి ఓ సీతా వీడియో సాంగ్ రిలీజ్‌..!

Oh sita Video Song | ఈ ఏడాది బ్లాక్‌బాస్ట‌ర్ చిత్రాల‌లో ‘సీతారామం’ ఒక‌టి. దుల్క‌ర్ స‌ల్మాన్ హీరోగా న‌టించిన ఈ చిత్రం ఆగ‌స్టు 5న విడుద‌లై ఘ‌న విజ‌యం సాధించింది. హ‌ను రాఘ‌వ‌పూడి ద‌ర్శ‌క‌త్వం వ‌హించిన ఈ మూవీ ఇప్ప‌టికే బ్రేక్ ఈవెన్‌ను పూర్తి చేసుకుని డ‌బుల్ బ్లాక్ బాస్ట‌ర్‌గా నిలిచింది. ఈ సినిమాను వీక్షించిన‌ ప‌లువురు సినీ ప్ర‌ముఖులు చిత్ర‌బృందంపై ప్ర‌శంస‌లు కురిపించిన విష‌యం తెలిసిందే. ఈ చిత్రంతో దుల్క‌ర్‌కు తెలుగులో మంచి మార్కెట్ ఏర్ప‌డింది. ఇప్ప‌టివ‌ర‌కు ఈ చిత్రం దాదాపు 80 కోట్ల గ్రాస్‌ను క‌లెక్ట్ చేసింది. సినిమా విడుద‌లై 25రోజులు దాటుతున్న ఇప్ప‌టికీ క‌లెక్షన్లు స్ట‌డీగానే ఉన్నాయి. ఇక ఈ సినిమా విజ‌యంలో పాట‌లు ముఖ్య పాత్ర పోషించాయి. విశాల్ చంద్ర‌శేఖ‌ర్ కంపోజ్ చేసిన పాట‌లు ప్రేక్ష‌కుల‌ను ఫిదా చేశాయి.

ఇదిలా ఉంటే తాజాగా ఈ చిత్రంలోని ‘ఓ సీతా’ అంటూ సాగే ఫీల్ గుడ్ మెలోడీయ‌స్ వీడియో సాంగ్‌ను మేక‌ర్స్ తాజాగా విడుద‌ల చేశారు. ఈ పాట‌లో దుల్క‌ర్, మృణాళ్ థాకూర్ కెమిస్ట్రీ ప్రేక్ష‌కులను విపరీతంగా ఆక‌ట్టుకుంటుంది. పీ.ఎస్ వినోద్ సినిమాటోగ్ర‌ఫీ విజువ‌ల్స్ ఆల‌రిస్తున్నాయి. ఈ చిత్రంలో దుల్క‌ర్ లెఫ్టినెంట్ రామ్ పాత్ర‌లో న‌టించాడు. దుల్క‌ర్‌కు జోడీగా మృనాళ్ థాకూర్ హీరోయిన్‌గా న‌టించింది. ర‌ష్మిక మంద‌న్న కాశ్మీర్ ముస్లిం అమ్మాయిగా కథ‌ను మ‌లుపు తిప్పే పాత్ర‌లో న‌టించింది. సుమంత్‌, త‌రుణ్‌భాస్క‌ర్ కీల‌క‌పాత్ర‌ల్లో న‌టించిన ఈ చిత్రాన్ని స్వ‌ప్న సినిమాస్ బ్యాన‌ర్‌పై స్వ‌ప్న ద‌త్ నిర్మించింది.