నందమూరి కుటుంబంలో రోడ్డు ప్రమాదాలు ఎంత తీవ్ర విషాదాన్ని మిగిల్చాయో ప్రత్యేకంగా చెప్పనక్కర్లేదు. రోడ్డు ప్రమాదాలు తెలుగుదేశం వ్యవస్థాపకుడు, దివంగత నందమూరి తారక రామారావు కుటుంబంలో ఎంతో విషాదాన్ని మిగిల్చాయి. ఎన్టీఆర్ సోదరుడు త్రివిక్రమ్రావు, కుమారుడు జూనియర్ రామకృష్ణ, మనవడు జూనియర్ ఎన్టీఆర్లు రోడ్డు ప్రమాదానికి గురయ్యారు. ఎన్టీఆర్ తండ్రి లక్ష్మయ్యచౌదరి (హరికృష్ణ తాత) రోడ్డు ప్రమాదంలో ప్రాణాలు కొల్పోయారు. హరికృష్ణ, జానకిరాం కూడా రోడ్డు ప్రమాదంలో కన్నుమూసారు.
2009లో ఎన్నికల ప్రచారం ముగించుకొని హైదరాబాద్ తిరిగొస్తున్న జూనియర్ ఎన్టీఆర్..ఉమ్మడి నల్లగొండ జిల్లా మోతె సమీపంలో రోడ్డు ప్రమాదానికి గురయ్యారు. ఆయితే ఆయన అదృష్టవశాత్తు గాయాలతో బయటపడ్డారు. రోడ్డు ప్రమాదాల వలన తన ఫ్యామిలీ సభ్యులు కాని, అభిమానులు, స్నేహితులకు కాని ఏదైన అయితే ఎన్టీఆర్ చలించిపోతారు.
మెగా హీరో సాయి ధరమ్ తేజ్ రోడ్డు ప్రమాదంలో గాయపడ్డాడడని తెలిసి తన సోషల్ మీడియా ద్వారా త్వరగా కోలుకోవాలని ప్రార్ధిస్తూ ట్వీట్ చేశారు. సినీ ప్రేక్షకులు, అభిమానులు, శ్రేయోభిలాషులు తేజ్ కోలుకోవాలంటూ ప్రార్ధిస్తున్నారు. తాజాగా తేజ్కి సంబంధించిన హెల్త్ బులిటెన్ విడుదల కాగా, ఆయన అవయవాలన్నీ బాగానే ఉన్నాయని, వాటి పని తీరు కూడా బాగుందని అన్నారు. ఈరోజు అవసరమైన మరిన్ని పరీక్షలు నిర్వహించబోతున్నామని ప్రకటించారు. పరీక్షల అనంతరం రేపు తేజ్ ఆరోగ్య పరిస్థితిపై మరో అప్డేట్ ఇస్తామని స్పష్టం చేశారు.