Annapoorani Movie | ఏ దేవుడు మాంసం తినడం పాపం అని చెప్పలేదు.. ఆస‌క్తిక‌రంగా నయనతార ‘అన్నపూరణి’ ట్రైల‌ర్

Nayanthara | లేడి సూపర్ స్టార్ నయనతార జోరు మామూలుగా లేదు. ఇటివలే షారుక్ ఖాన్ ‘జవాన్’(Jawan)తో నేషనల్ వైడ్ బ్లాక్ బస్టర్‌ని అందుకుంది ఈ భామ‌. మరోవైపు కమల్ హాసన్, మణిరత్నం కాంబోలో వ‌స్తున్న త‌న డ్రీమ్ ప్రాజెక్ట్‌లో న‌టిస్తుంది. ఇదిలా ఉంటే.. ఈ సూపర్ స్టార్ తాజాగా మ‌రో కొత్త సినిమాతో వ‌స్తుంది.

Nayanthara | లేడి సూపర్ స్టార్ నయనతార జోరు మామూలుగా లేదు. ఇటివలే షారుక్ ఖాన్ ‘జవాన్’(Jawan)తో నేషనల్ వైడ్ బ్లాక్ బస్టర్‌ని అందుకుంది ఈ భామ‌. మరోవైపు కమల్ హాసన్, మణిరత్నం కాంబోలో వ‌స్తున్న త‌న డ్రీమ్ ప్రాజెక్ట్‌లో న‌టిస్తుంది. ఇదిలా ఉంటే.. ఈ సూపర్ స్టార్ తాజాగా మ‌రో కొత్త సినిమాతో వ‌స్తుంది. నీలేష్ కృష్ణ (Nilesh Krishna) అనే కొత్త దర్శకుడితో న‌య‌న‌తార చేస్తున్న కొత్త చిత్రం ‘అన్నపూరణి’ (Annapoorani). న‌య‌న్ కెరీర్‌లో 75వ సినిమాగా వ‌స్తున్న ఈ చిత్రాన్ని ఎస్. ఆర్.రవీంద్రన్ సమర్పణలో, నాస్ స్టూడియోస్ -ట్రైడెంట్ ఆర్ట్స్, జీ స్టూడియోస్ సంయుక్తంగా నిర్మిస్తున్నాయి. షూటింగ్ పూర్తి చేసుకుని పోస్ట్ ప్రోడ‌క్ష‌న్ ప‌నుల్లో బిజీగా ఉన్న ఈ సినిమా డిసెంబ‌ర్ 01న ప్రేక్ష‌కుల ముందుకు రానుంది. ఇప్ప‌టికే ఈ సినిమా నుంచి విడుద‌ల చేసిన గ్లింప్స్ ప్రేక్ష‌కుల‌ను ఆక‌ట్టుకుంది. ఇదిలా ఉంటే.. ఈ మూవీ నుంచి మేక‌ర్స్ ట్రైల‌ర్ విడుద‌ల చేశారు.

సంప్రదాయ బ్రాహ్మణ కుటుంబంలో పుట్టిన నయనతార ఒక ప్రొఫెషనల్ చెఫ్‌గా మారాలనుకుంటుంది. ఈ క్ర‌మంలో త‌న‌కు ఎదురైనా స‌వాళ్లు ఎంటి.. కుటుంబం నుంచి వ‌చ్చిన ఒత్తిడిని త‌ట్టుకుని దేశంలో బెస్ట్ చెఫ్ గా ఎలా ఎదిగింది అనేది ఈ సినిమా స్టోరీ అని అర్థ‌మ‌వుతుంది. ఇక ఏ దేవుడు కూడా మాంసం తినడం పాపం అని చెప్పలేదు అంటూ వ‌చ్చే డైలాగ్ ట్రైల‌ర్‌కే హైలెట్‌గా నిలిచింది.

ఇక మూవీలో జై, సత్యరాజ్, అచ్యుత్ కుమార్, కెఎస్ రవికుమార్, సురేష్ చక్రవర్తి సహా పలువురు నటీనటులు కీలక పాత్రలు పోషిస్తున్నారు. ఈ చిత్రానికి సత్యన్ సూర్యన్‌ సినిమాటోగ్రఫీ అందిస్తుండ‌గా.. థమన్ సంగీతం అందిస్తున్నారు.