Hatya trailer launch | ‘బిచ్చ‌గాడు’ హీరో సినిమా ట్రైల‌ర్ లాంఛింగ్‌కు నాని

మ‌ల్టీ టాలెంటెడ్ స్కిల్స్ ఉన్న యాక్ట‌ర్ విజ‌య్ ఆంటోని (Vijay Antony) ప్ర‌స్తుతం హ‌త్య (Hatya) అనే టైటిల్‌తో తెర‌కెక్కుతున్న సినిమాలో న‌టిస్తున్నాడు. త‌మిళంలో కొలై టైటిల్‌తో వ‌స్తోంది.

బిచ్చ‌గాడు సినిమాతో తెలుగులో మంచి ఫ్యాన్ ఫాలోయింగ్ సంపాదించుకున్నాడు విజ‌య్ ఆంటోని (Vijay Antony). మ్యూజిక్ కంపోజ‌ర్‌గా, నిర్మాత‌గా, డైరెక్ట‌ర్‌గా మ‌ల్టీ టాలెంటెడ్ స్కిల్స్ ఉన్న ఈ యాక్ట‌ర్ ప్ర‌స్తుతం హ‌త్య (Hatya) అనే టైటిల్‌తో తెర‌కెక్కుతున్న సినిమాలో న‌టిస్తున్నాడు. త‌మిళంలో కొలై టైటిల్‌తో వ‌స్తోంది. ఖిలాడీ ఫేం మీనాక్షి చౌద‌రి (Meenakshi Chaudhary ) ఈ చిత్రంలో లీల పాత్ర‌లో న‌టిస్తోంది.

బాలాజీ కే కుమార్ ద‌ర్శ‌క‌త్వంలో వ‌స్తున్న ఈ మూవీ డెత్ మిస్ట‌రీ నేప‌థ్యంలో సాగ‌నున్న‌ట్టు తెలుస్తోంది. కాగా ఈ సినిమా ట్రైల‌ర్‌ను న్యాచుర‌ల్ స్టార్ నాని (Nani ) రేపు సాయంత్రం 6 గంట‌ల‌కు లాంఛ్ చేయ‌నున్నాడు. ఇన్‌ఫినిటీ ఫిం వెంచ‌ర్స్ అండ్ లోట‌స్ పిక్చ‌ర్స్ సంయుక్తంగా తెర‌కెక్కిస్తున్నాయి. కాగా కొంత కాలంగా స‌రైన బ్రేక్ కోసం ఎదురుచూస్తున్న విజ‌య్ ఆంటోనీ ఈ సినిమాపైనే భారీగా ఆశ‌లు పెట్టుకున్నాడు.

ఈ చిత్రానికి గిరీష్ మ్యూజిక్ కంపోజ‌ర్‌గా ప‌నిచేస్తున్నాడు. ఈ చిత్రంలో రితికా సింగ్‌, రాధికా శ‌ర‌త్ కుమార్, ముర‌ళీ శ‌ర్మ‌, జాన్ విజ‌య్, సంకిత్ బొహ్రా కీల‌క పాత్ర‌ల్లో న‌టిస్తున్నారు. మ‌రోవైపు విజ‌య్ ఆంటోనీ న‌టిస్తున్న‌ బిచ్చ‌గాడు 2తోపాటు మ‌రో రెండు సినిమాలు షూటింగ్ ద‌శ‌లో ఉన్నాయి.

#HATYA #హత్య trailer to be launched by Natural Star @NameisNani tomorrow at 6pm.#HATYATRAILER 😇🏆@DirBalajiKumar @ritika_offl @Meenakshiioffl@FvInfiniti @lotuspictures1 @bKamalBohra @Dhananjayang @pradeepfab @siddshankar_ @Panbohra @GskMedia_PR @thinkmusicindia @Bhashyasree pic.twitter.com/IKDBQPE41n

— vijayantony (@vijayantony) August 14, 2022