అరె ఏమయ్యింది ఉన్నట్టుండివ్వాళే..

నాని కథానాయకుడిగా రూపొందుతోన్న చిత్రం ‘సరిపోదా శనివారం’. ప్రియాంక అరుళ్‌ మోహన్‌ కథానాయిక. వివేక్‌ ఆత్రేయ దర్శకుడు. డీవీవీ దానయ్య, కల్యాణ్‌ దాసరి నిర్మాతలు.

నాని కథానాయకుడిగా రూపొందుతోన్న చిత్రం ‘సరిపోదా శనివారం’. ప్రియాంక అరుళ్‌ మోహన్‌ కథానాయిక. వివేక్‌ ఆత్రేయ దర్శకుడు. డీవీవీ దానయ్య, కల్యాణ్‌ దాసరి నిర్మాతలు. వచ్చే నెల 29న సినిమా విడుదల కానుంది. ప్రమోషన్‌లో భాగంగా శనివారం ఈ సినిమాలోని సెకండ్‌ సింగిల్‌ ‘ఉల్లాసం..’ సాంగ్‌ని మేకర్స్‌ విడుదల చేశారు. ‘అరె ఏమయ్యింది ఉన్నట్టుండివ్వాళే.. అలవాటేలేని ఏవో ఆనందాలే..’ అంటూ సనరే రాసిన ఈ పాటను జేక్స్‌ బిజోయ్‌ స్వరపరచగా, సంజిత్‌ హెగ్డే, కృష్ణలాస్య ఆలపించారు.

తొలి ప్రేమ అనుభవాలను తెలియజేస్తూ రొమాంటిక్‌గా ఈ పాట సాగింది. ఇందులో నాని, ప్రియాంక మోహన్‌ల నేచురల్‌ ఎక్స్‌ప్రెషన్స్‌ చూడొచ్చు. యువతరాన్ని ఆకట్టుకునేలా ఈ పాట విజువల్స్‌ ఉన్నాయి. ఎస్‌.జె.సూర్య కీలక పాత్ర చేస్తున్న ఈ చిత్రంలో సాయికుమార్‌ ప్రత్యేక పాత్ర పోషిస్తున్నారు. ఈ చిత్రానికి కెమెరా: మురళి జి., నిర్మాణం: డి.వి.వి.ఎంటర్‌టైన్‌మెంట్స్‌.