Nani Movie | నాని – వెంకీ అట్లూరి కాంబో: సితార బ్యానర్‌లో మరో క్రేజీ మూవీ.!

Nani Venky Atluri | స్టార్ క‌థానాయ‌కుడు నాని ప్ర‌స్తుతం వ‌రుస హిట్ల‌తో జోష్ మీద ఉన్న విష‌యం తెలిసిందే. ప్ర‌స్తుతం ది ప్యార‌డైజ్ సినిమాతో బిజీగా ఉన్న నాని ఆ త‌ర్వాత సుజిత్ ద‌ర్శ‌క‌త్వంలో ఒక సినిమా చేయ‌బోతున్నాడు.

Nani Venky Atluri | స్టార్ క‌థానాయ‌కుడు నాని ప్ర‌స్తుతం వ‌రుస హిట్ల‌తో జోష్ మీద ఉన్న విష‌యం తెలిసిందే. ప్ర‌స్తుతం ది ప్యార‌డైజ్ సినిమాతో బిజీగా ఉన్న నాని ఆ త‌ర్వాత సుజిత్ ద‌ర్శ‌క‌త్వంలో ఒక సినిమా చేయ‌బోతున్నాడు. అయితే ఈ రెండు చిత్రాలు కాకుండా మ‌రో క్రేజీ ద‌ర్శ‌కుడితో నాని చేతులు క‌ల‌ప‌బోతున్న‌ట్లు తెలుస్తుంది. ‘సార్’, ‘లక్కీ భాస్కర్’ వంటి వైవిధ్యమైన చిత్రాలతో వరుస విజయాలు అందుకున్న‌ దర్శకుడు వెంకీ అట్లూరితో నాని సినిమా చేస్తున్న‌ట్లు తెలుస్తుంది. ఈ చిత్రాన్ని టాలీవుడ్ ప్రముఖ నిర్మాణ సంస్థ సితార ఎంటర్‌టైన్‌మెంట్స్ పతాకంపై సూర్యదేవర నాగవంశీ అత్యంత భారీ బడ్జెట్‌తో నిర్మించబోతున్నాడు. ‘జెర్సీ’ వంటి నేషనల్ అవార్డ్ విన్నింగ్ సినిమా తర్వాత నాని – సితార కాంబినేషన్‌లో వస్తున్న సినిమా కావడంతో సినీ వర్గాల్లో భారీ అంచనాలు నెలకొన్నాయి. అయితే ఈ ప్రాజెక్ట్ గురించి మ‌రిన్ని వివ‌రాలు త్వ‌ర‌లోనే చిత్ర‌బృందం వెల్ల‌డించ‌నుంది.

ప్రస్తుతం నాని శ్రీకాంత్ ఓదెల దర్శకత్వంలో ‘ది ప్యారడైజ్’ (The Paradise) షూటింగ్‌లో బిజీగా ఉన్నారు. ఈ చిత్రం మార్చి 26, 2026న విడుదలయ్యే అవకాశం ఉంది. దీని తర్వాత సుజీత్ దర్శకత్వంలో మరో సినిమా చేయనున్నారు. మరోవైపు వెంకీ అట్లూరి ప్రస్తుతం సూర్య హీరోగా ‘విశ్వనాథన్ అండ్ సన్స్’ (Suriya 46) చిత్రాన్ని పూర్తి చేసే పనిలో ఉన్నారు. ఈ కమిట్‌మెంట్లు అన్నీ పూర్తయిన తర్వాత, 2026 ద్వితీయార్థంలో నాని – వెంకీ అట్లూరి ప్రాజెక్ట్ రెగ్యులర్ షూటింగ్ ప్రారంభం కానుంది.