సమయమా భలే సాయం చేశావమ్మా..

నాని, మృణాల్‌ ఠాకూర్‌ జంటగా నటిస్తున్న చిత్రం ‘హాయ్‌ నాన్న’. శౌర్యువ్‌ దర్శకుడు. వైర ఎంటర్‌టైన్‌మెంట్స్‌ పతాకంపై మోహన్‌ చెరుకూరి, డా॥ విజయేందర్‌ రెడ్డి నిర్మిస్తున్నారు. డిసెంబర్‌ 21న పాన్‌ ఇండియా స్థాయిలో ప్రేక్షకుల ముందుకురానుంది.

నాని, మృణాల్‌ ఠాకూర్‌ జంటగా నటిస్తున్న చిత్రం ‘హాయ్‌ నాన్న’. శౌర్యువ్‌ దర్శకుడు. వైర ఎంటర్‌టైన్‌మెంట్స్‌ పతాకంపై మోహన్‌ చెరుకూరి, డా॥ విజయేందర్‌ రెడ్డి నిర్మిస్తున్నారు. డిసెంబర్‌ 21న పాన్‌ ఇండియా స్థాయిలో ప్రేక్షకుల ముందుకురానుంది. ఈ సినిమాలోని ‘సమయమా భలే సాయం చేశావమ్మా’ అనే తొలి గీతాన్ని శనివారం విడుదల చేశారు. ‘సమయమా భలే సాయం చేశావమ్మా, కనులకే తన రూపాన్నందించావే గుట్టుగా..’ అంటూ చక్కటి సాహిత్యంతో ఈ పాట సాగింది.

హేషమ్‌ అబ్దుల్‌ వహాబ్‌ స్వరపరచిన ఈ గీతాన్ని అనంత్‌శ్రీరామ్‌ రచించారు. నాయకానాయికలు నాని, మృణాల్‌ ఠాకూర్‌ మధ్య కెమిస్ట్రీతో పాటు విజువల్స్‌ కూడా ఆకట్టుకునేలా ఉన్నాయి. ఈ చిత్రానికి కెమెరా: సాను జాన్‌ వర్గీస్‌, సంగీతం: హేషమ్‌ అబ్దుల్‌ వహాబ్‌, ప్రొడక్షన్‌ డిజైనర్‌: అవినాష్‌ కొల్లా, దర్శకత్వం: శౌర్యువ్‌.