Bangarraju teaser | అక్కినేని నాగార్జున, నాగచైతన్య ప్రధాన పాత్రల్లో రూపొందిన చిత్రం బంగార్రాజు. కృతిశెట్టి కథానాయిక. సోగ్గాడే చిన్ని నాయనా సినిమాకు సీక్వెల్గా వస్తున్న ఈ సినిమాకు కళ్యాణ్ కృష్ణ దర్శకత్వం వహిస్తున్నారు. ఫ్యామిలీ ఎంటర్టైనర్గా వస్తున్న ఈ సినిమా సంక్రాంతికి విడుదల కానుంది. ఈ క్రమంలో సినిమా ప్రమోషన్స్లో వేగం పెంచారు. న్యూ ఇయర్ కానుకగా బంగార్రాజు సినిమా నుంచి టీజర్ను రిలీజ్ చేశారు.
కొత్త సంవత్సరం కానుకగా విడుదలైన ఈ టీజర్ ఆసక్తికరంగా ఉంది. టీజర్ చూస్తుంటే నాగచైతన్యను మించిన సోగ్గాడిగా మారినట్లు తెలుస్తోంది. కృతిశెట్టికి లైన్ వేయడం.. ఆమెను పడగొట్టేందుకు రకరకాలుగా ప్రయత్నించడం ఆసక్తికరంగా ఉంది. నువ్వు ఈ ఊరికే కాదు.. మన రాష్ట్రానికి సర్పంచ్ కావాలి.. దేశానికే సర్పంచ్వి కావాలని నాగచైతన్య చెప్పిన డైలాగ్ నవ్వులు పూయిస్తోంది. ఇక శివాలయంలో ఏదో తప్పు జరుగుతుందని.. దాన్న నాగార్జున ఎలా అడ్డుకున్నాడనేది కూడా ఈ సినిమాలో చూపించినట్లు అర్థమవుతుంది. ఇక అనూప్ రూబెన్స్ సంగీతం వహిస్తున్న ఈ సినిమా నుంచి ఇప్పటికే విడుదలైన పాటలకు మంచి రెస్పాన్స్ వస్తుంది. వాసివాడి తస్సాదియ్యా అని సాగే స్పెషల్ పాటలో నాగార్జున, నాగచైతన్యతో కలిసి జాతిరత్నాలు ఫేమ్ ఫరియా అబ్దుల్లా చిందేయడం సినిమాకు ప్రత్యేక ఆకర్షణగా నిలిచింది. ఇవన్నీ చూస్తుంటే ఈ సంక్రాంతికి బంగార్రాజు.. ఫుల్ ఫ్యామిలీ ఎంటర్టైనర్గా నిలవడం ఖాయమనిపిస్తోంది.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
న్యూ ఇయర్కు షాకిచ్చిన దీప్తి సునయిన.. షణ్ముఖ్తో బ్రేకప్
Shyam singharoy | ఓటీటీలో శ్యామ్ సింగరాయ్ సినిమా.. వచ్చేది అప్పుడేనా?
debut Heroines 2021 | తెలుగు ఇండస్ట్రీపై మెరిసిన కొత్త తారలు వీళ్లే..
Krithi Shetty | క్యూట్ క్యూట్ అందాలతో అలరిస్తున్న కృతి శెట్టి..