Visit:
తన ఆటపాటలతో ప్రపంచాన్ని ఉర్రూతలూగించిన పాప్‌ రారాజు మైఖేల్‌ జాక్సన్‌. పాప్‌ రంగంలో పేరొందిన స్టార్లు ఎందరైనా ఉండొచ్చుగాక.. వారందరికీ రోల్‌ మోడల్‌ మాత్రం మైఖేల్‌ జాక్సనే. అందుకే అందరూ ఆయన్ను ‘కింగ్‌ ఆఫ్‌ పాప్‌’ అంటారు. ప్రపంచవ్యాప్తంగా ఎంతోమందికి ప్రేరణగా నిలిచిన మహాకళాకారుడాయన. సాధారణ స్థాయి నుంచి సూపర్‌స్టార్‌గా మైఖేల్‌ ఎదిగిన వైనం ఓ అద్భుతమైతే.. ఆయన మరణం ఓ మిస్టరీ.
ఈ కోణాలన్నింటినీ స్పృశిస్తూ.. త్వరలో ఆయన జీవితం హాలీవుడ్‌ తెరపైకి రానున్నది. సినిమా పేరు ‘మైఖేల్‌’. జాఫర్‌ అనే హాలీవుడ్‌ నటుడు మైఖేల్‌ జాక్సన్‌ రోల్‌ పోషిస్తున్నారు. ఆంటోయిన్‌ పుక్వా దర్శకత్వంలో యూనివర్సల్‌ స్టూడియో నిర్మిస్తున్న ఈ చిత్రం వచ్చే ఏడాది ఏప్రిల్‌ 24న ప్రపంచవ్యాప్తంగా విడుదల కానున్నది. ఈ సందర్భంగా విడుదల చేసిన సినిమా తాలూకు లేటెస్ట్‌ ట్రైలర్‌ ప్రస్తుతం గ్లోబల్‌ టాపిక్‌గా మారింది. అచ్చు మైఖేల్‌ని తలపించేలా తెరపై కనిపిస్తున్న జాఫర్‌ని చూసి, ప్రపంచవ్యాప్తంగా ఉన్న మైఖేల్‌ జాక్సన్‌ అభిమానులు ఆనందాన్నీ, ఆశ్చర్యాన్నీ వ్యక్తం చేస్తున్నారు. ఈ సినిమా డబ్బింగ్‌ వెర్షన్‌లపై ప్రస్తుతానికి ఎలాంటి సమాచారం లేదు.
