డిప్రెషన్‌లోకి వెళ్లిపోయా!

బుల్లితెర నటిగా కెరీర్‌ను మొదలుపెట్టిన మృణాల్‌ ఠాకూర్‌ తెలుగు చిత్రం ‘సీతా రామం’తో తిరుగులేని స్టార్‌డమ్‌ను సొంతం చేసుకుంది. ప్రస్తుతం ఈ భామకు భారీ సినిమాల్లో అవకాశాలొస్తున్నట్లు సమాచారం.

బుల్లితెర నటిగా కెరీర్‌ను మొదలుపెట్టిన మృణాల్‌ ఠాకూర్‌ తెలుగు చిత్రం ‘సీతా రామం’తో తిరుగులేని స్టార్‌డమ్‌ను సొంతం చేసుకుంది. ప్రస్తుతం ఈ భామకు భారీ సినిమాల్లో అవకాశాలొస్తున్నట్లు సమాచారం. అయితే తాను ఈ స్థాయికి రావడానికి ఎన్నో అవరోధాల్ని అధిగమించానని చెప్పింది మృణాల్‌ ఠాకూర్‌. ఓ జాతీయ పత్రికకు ఇచ్చిన ఇంటర్వ్యూలో తన కెరీర్‌ తొలినాటి రోజుల్ని గుర్తుచేసుకుందీ భామ. హిందీ చిత్రం ‘లవ్‌ సోనియా’ పాత్ర కోసం రెండు వారాల పాటు కోల్‌కతాలోని వేశ్యా గృహాల్లోకి వెళ్లి వారి జీవన విధానాన్ని పరిశీలించానని చెప్పింది.

ఆమె మాట్లాడుతూ “లవ్‌ సోనియా’ చిత్రాన్ని మానవ అక్రమ రవాణా నేపథ్యంలో తెరకెక్కించారు. ఆ సినిమాలో అక్రమంగా వేశ్య గృహాల్లోకి చేర్చబడిన చెల్లిని రక్షించుకునే అక్క పాత్రను పోషించాను. నా పాత్రలో సహజత్వం కోసం రెండు వారాల పాటు కోల్‌కతాలోని వేశ్యా వాటికల్లో తిరిగి చాలా విషయాలు తెలుసుకున్నా. వారి దుర్భర జీవితం చూసి హృదయం ముక్కలైపోయింది. ఓ సమయంలో డిప్రెషన్‌లోకి వెళ్లిపోయా. ఎవరికీ అలాంటి కష్టాలు రావొద్దని భగవంతుల్ని కోరుకున్నా. షూటింగ్‌ టైమ్‌లో అక్కడి వాళ్ల జీవితం గుర్తొచ్చి ఉద్వేగాన్ని ఆపుకోలేక ఏడ్చేశాను. చిత్ర బృందం ఇచ్చిన ప్రోత్సాహంతో ఆ పాత్రను సహజ ంగా పోషించగలిగాను’ అని చెప్పింది.