ప్రస్తుతం దక్షిణాదిన అగ్ర కథానాయికల్లో ఒకరిగా చెలామణి అవుతున్నది మలయాళీ సోయగం కీర్తి సురేష్. తెలుగు, తమిళంలో మంచి అవకాశాల్ని సొంతం చేసుకుంటూ కెరీర్లో దూసుకుపోతున్నది. ఇటీవల ఈ భామ పెళ్లి వార్తలు సోషల్మీడియాలో వైరల్గా మారాయి. కీర్తి సురేష్ తన చిన్ననాటి మిత్రుడితో గత పదేళ్లుగా ప్రేమలో ఉందని, అతనికి కేరళలో పలు వ్యాపారాలున్నాయని వార్తలొచ్చాయి. ఈ ఏడాదిలోనే తాను ఒప్పుకున్న సినిమాలన్నీ పూర్తి చేసి కీర్తి సురేష్ పెళ్లిపీటలెక్కనుందని ప్రచారం జరిగింది. తాజాగా ఇచ్చిన ఓ ఇంటర్వ్యూలో తన పెళ్లి వార్తలపై కీర్తి సురేష్ స్పందించింది. తనకు ఇప్పుడు పెళ్లి చేసుకునే ఉద్దేశ్యం లేదని, సినిమాల్లో మరి కొన్నేళ్లు కొనసాగాలన్నది తన లక్ష్యమని స్పష్టం చేసింది. పెళ్లి విషయంలో వస్తున్న వార్తలన్నీ వదంతులేనని, ఒకవేళ పెళ్లి కుదిరితే తానే స్వయంగా వెల్లడిస్తానని తెలిపింది. ప్రస్తుతం ఈ భామ తెలుగులో ‘దసరా’ చిత్రంతో పాటు చిరంజీవి ‘భోళా శంకర్’లో సినిమాలో ఆయన చెల్లెలి పాత్రలో నటిస్తున్నది.