Megaverse | చిరంజీవి ‘మెగావర్స్’ ప్రోమోకు హరీష్ శంకర్ దర్శకత్వం.. నవంబర్ 4న హైదరాబాద్లో ప్రత్యేక షూటింగ్!
Megaverse | మెగాస్టార్ చిరంజీవి అభిమానులకు మరో ఆసక్తికరమైన వార్త బయటకు వచ్చింది. ప్రముఖ ఓటీటీ వేదిక నెట్ఫ్లిక్స్లో చిరంజీవి వ్యాఖ్యాతగా రాబోతున్న సెలబ్రిటీ టాక్ షో ‘మెగావర్స్’పై ఇప్పటికే భారీ అంచనాలు నెలకొన్నాయి. ఈ కార్యక్రమంలో పలువురు సినీ ప్రముఖులు పాల్గొనబోతుండటంతో ప్రేక్షకుల్లో ఆసక్తి పెరిగింది.
Megaverse | మెగాస్టార్ చిరంజీవి అభిమానులకు మరో ఆసక్తికరమైన వార్త బయటకు వచ్చింది. ప్రముఖ ఓటీటీ వేదిక నెట్ఫ్లిక్స్లో చిరంజీవి వ్యాఖ్యాతగా రాబోతున్న సెలబ్రిటీ టాక్ షో ‘మెగావర్స్’పై ఇప్పటికే భారీ అంచనాలు నెలకొన్నాయి. ఈ కార్యక్రమంలో పలువురు సినీ ప్రముఖులు పాల్గొనబోతుండటంతో ప్రేక్షకుల్లో ఆసక్తి పెరిగింది. తాజాగా ఈ షోకు సంబంధించిన అధికారిక ప్రోమో గురించి ఓ కీలక అప్డేట్ టాలీవుడ్లో చర్చనీయాంశంగా మారింది. ‘మెగావర్స్’ ప్రోమోను తెరకెక్కించే బాధ్యతలను ప్రముఖ దర్శకుడు హరీష్ శంకర్ చేపట్టినట్లు ప్రచారం జరుగుతోంది. మెగాస్టార్ చిరంజీవిని డైరెక్ట్ చేయాలన్నది హరీష్ శంకర్ చిరకాల కోరిక. ఇప్పుడు పూర్తిస్థాయి సినిమా కాకపోయినా, ఈ ప్రత్యేక ప్రోమో ద్వారా చిరంజీవిని డైరెక్ట్ చేసే అవకాశం ఆయనకు దక్కినట్లు తెలుస్తోంది.
చిరంజీవిలోని పాత తరం మాస్ స్వాగ్, స్టైలిష్ లుక్, ప్రత్యేకమైన స్క్రీన్ ప్రెజెన్స్ను హరీష్ శంకర్ తనదైన శైలిలో చూపించనున్నారనే వార్త అభిమానుల్లో ఉత్సాహాన్ని పెంచుతోంది. ఆయన మార్క్ పంచ్లు, భారీ విజువల్స్తో ఈ ప్రోమోను ప్రత్యేకంగా రూపొందించనున్నట్లు సమాచారం.ఈ ప్రత్యేక ప్రోమో చిత్రీకరణను నవంబర్ 4న హైదరాబాద్లోని అన్నపూర్ణ స్టూడియోస్లో నిర్వహించనున్నట్లు తెలుస్తోంది. భారీ ఏర్పాట్ల మధ్య ఈ షూటింగ్ జరగనుందని ప్రచారం సాగుతోంది. ప్రోమోలో చిరంజీవితో పాటు మెగా కుటుంబానికి చెందిన పవన్ కల్యాణ్, రామ్ చరణ్ కూడా ఒకే ఫ్రేమ్లో కనిపించనున్నారనే వార్త మరింత ఆసక్తిని రేకెత్తిస్తోంది.
ఒకే వేదికపై ఈ ముగ్గురు మెగా స్టార్లను చూడాలని అభిమానులు ఎప్పటినుంచో కోరుకుంటున్నారు. ఈ నేపథ్యంలో ‘మెగావర్స్’లో అలాంటి అరుదైన దృశ్యం ఉంటుందనే ప్రచారం సోషల్ మీడియాలో చర్చకు దారితీస్తోంది. అయితే ఈ విషయంపై క్లారిటీ రావలసి ఉంది. ఇక ఈ టాక్ షోలో భారతీయ సినీ పరిశ్రమకు చెందిన పలువురు ప్రముఖ నటీనటులు, స్టార్ సెలబ్రిటీలు పాల్గొననున్నట్లు సమాచారం. ఇప్పటికే కొందరు ప్రముఖులతో ప్రత్యేక ఎపిసోడ్ల చిత్రీకరణ జరుగుతోందని ప్రచారం ఉంది. ఈ కార్యక్రమాన్ని ప్రేక్షకులకు పరిచయం చేసేందుకు రూపొందిస్తున్న ప్రోమోను నవంబర్ నెలాఖరులో విడుదల చేయాలని నెట్ఫ్లిక్స్ ప్రణాళిక సిద్ధం చేస్తున్నట్లు తెలుస్తోంది.
Read Today's Latest Cinema News in Telugu and Telugu News
RELATED ARTICLES
తాజా వార్తలు
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

