మా ఊరి హీరో.. కృష్ణంరాజు: మెగాస్టార్‌ చిరంజీవి

Megastar Chiranjeevi | రెబల్‌స్టార్‌ అనే మాటకు నిజమైన నిర్వచనం కృష్ణంరాజు అని మెగాస్టార్‌ చిరంజీవి అన్నారు. ఆయన మృతిపట్ల తీవ్ర దిగ్భ్రాంతి వ్యక్తంచేశారు. తమది ఆత్మీయ అనుబంధం అని, తనను పెద్దన్నలా

హైదరాబాద్‌: రెబల్‌స్టార్‌ అనే మాటకు నిజమైన నిర్వచనం కృష్ణంరాజు అని మెగాస్టార్‌ చిరంజీవి అన్నారు. ఆయన మృతిపట్ల తీవ్ర దిగ్భ్రాంతి వ్యక్తంచేశారు. తమది ఆత్మీయ అనుబంధం అని, తనను పెద్దన్నలా ప్రోత్సహించారని చెప్పారు. ఆయన లేనిలోటు వ్యక్తిగతం తనకు, సినీ పరిశ్రమకు తీరని లోటని ట్వీట్‌ చేశారు.

‘కృష్ణంరాజు గారు ఇక లేరనే మాట ఎంతో విషాదకరం. మా ఊరి హీరో, చిత్ర పరిశ్రమలో నా తొలి రోజుల నుంచి పెద్దన్నలా ఆప్యాయంగా పోత్సహించిన కృష్ణంరాజు గారితో నాటి ‘మనవూరి పాండవులు’ దగ్గర్నుంచి నేటి వరకు నా అనుబంధం ఎంతో ఆత్మీయమైనది.

ఆయన ‘రెబల్‌ స్టార్‌’కి నిజమైన నిర్వచనం. కేంద్ర మంత్రిగా కూడా ఎన్నో సేవలు అందించారు. ఆయన లేనిలోటు వ్యక్తిగతంగా నాకూ, సినీ పరిశ్రమకూ, లక్షలాది మంది అభిమానులకు ఎప్పటికీ తీరనిది. ఆయన ఆత్మ శాంతించాలని ప్రార్థిస్తూ, ఆయన కుటుంబ సభ్యులందరికీ, నా తమ్ముడు లాంటి ప్రభాస్‌కు నా సంతాపం తెలియచేస్తున్నాను’ అని చిరంజీవి ట్విట్టర్‌ వేదకగా స్పందించారు.

Rest In Peace Rebel Star ! pic.twitter.com/BjSKeCbIMR

— Chiranjeevi Konidela (@KChiruTweets) September 11, 2022