లవ్, యాక్షన్, ఎమోషన్, సామాజిక ఇతివృత్తం, కామెడీ జోనర్లతో అన్ని వర్గాల ప్రేక్షకులను అలరించి..ఆల్ టైమ్ ఫేవరేట్ హిట్గా నిలిచిన చిత్రాలు అప్పుడప్పుడు మాత్రమే వస్తుంటాయి. అలాంటి తెలుగు చిత్రాల్లో టాప్ లో ఉంటుంది ఇంద్ర (Indra) . మెగాస్టార్ చిరంజీవి (Chiranjeevi) అభిమానులు, మూవీ లవర్స్ కు ఇవాళ చాలా ప్రత్యేకమైన రోజు. చిరు కెరీర్లో వన్ ఆఫ్ ది బిగ్గెస్ట్ హిట్గా నిలిచిన ఇంద్ర నేటికి రెండు దశాబ్దాలు (#20Years Indra) పూర్తి చేసుకుంది.
బి గోపాల్ (B Gopal) డైరెక్షన్లో రాయలసీమ బ్యాక్ డ్రాప్లో యాక్షన్ డ్రామాగా తెరకెక్కిన ఇంద్ర సరిగ్గా ఇదే రోజు అంటే 2002 జులై 24న విడుదలైంది. వైజయంతీ మూవీస్ బ్యానర్ (Vyjayanthi Movies)పై అశ్వనీదత్ ఈ చిత్రాన్ని నిర్మించారు. అప్పట్లో రూ.10 కోట్ల (సుమారుగా)బడ్జెట్ తో తెరకెక్కిన ఈ చిత్రం బాక్సాపీస్ వద్ద కలెక్షన్ల పంట పండించింది. ఆర్తీ అగర్వాల్, సోనాలీ బింద్రే హీరోయిన్లుగా నటించగా..ముఖేశ్ రుషి, పునీత్ ఇస్సార్, ప్రకాశ్రాజ్, తణికెళ్లభరణి, శివాజీ, బ్రహ్మానందం, సునీల్, ధర్మవరపు సుబ్రహ్మణ్యం, ఏవీయస్, అల్లు రామలింగయ్య కీలక పాత్రల్లో నటించారు.
ఈ సినిమాలో ‘సింహాసనం మీద కూర్చునే అర్హత అక్కడ ఆ ఇంద్రుడిది..ఇక్కడ ఈ ఇంద్రసేనుడిది’ అంటూ చిరు చెప్పే డైలాగ్స్ ఇప్పటికీ మార్మోగిపోతుంటాయి. ‘వీరశంకర్ రెడ్డి మొక్కే కదా అని పీకేస్తే పీక కోస్తా’ అని వచ్చే డైలాగ్ ఏ రేంజ్ లో ఫేమస్ అయిందో ప్రత్యేకించి చెప్పనవసరం లేదు. ఇంకా ఎన్నో డైలాగ్స్ థియేటర్లలో ప్రేక్షకులను కట్టిపడేస్తాయి.
మణిశర్మ కంపోజిషన్లో వచ్చిన పాటలన్నీ ఆల్టైమ్ బ్లాక్ బాస్టర్ హిట్స్ గా నిలిచాయి. ఈ సినిమా మాకు చాలా ప్రత్యేకమైంది. మెగా బ్లాక్ బాస్టర్ 2 దశాబ్దాల ప్రయాణాన్ని సెలబ్రేట్ చేసుకుంటున్నాం..అంటూ వైజయంతీ మూవీస్ బ్యానర్ ప్రత్యేకంగా ట్వీట్ చేసింది. ఈ ట్వీట్ ఇపుడు నెట్టింట్లో హల్చల్ చేస్తోంది.
A very special movie for us!
Celebrating 2 Decades of Mega Blockbuster #Indra.@KChiruTweets @AshwiniDuttCh #BGopal #ManiSharma @VyjayanthiFilms#20YearsForIndustryHitIndra pic.twitter.com/cInd3uq9la
— Vyjayanthi Movies (@VyjayanthiFilms) July 24, 2022
Read Also :Aadi Sai Kumar | ట్విటర్లోకి స్వాగతం..యువ హీరో వీడియో ట్రెండింగ్
Read Also : Liger Nizam Rights | ట్రెండింగ్ టాపిక్గా లైగర్ నైజాం రైట్స్..ఇంతకీ ఎంతో తెలుసా..?
Read Also : Sai Pallavi Bonam | బోనమెత్తిన సాయిపల్లవి..ట్రెండింగ్లో డైరెక్టర్ స్పెషల్ ట్వీట్