టోక్యో : దైనందిన జీవితంలో ఘటనలను కొందరు క్రమం తప్పకుండా అక్షరబద్ధం (Viral Post) చేస్తుంటారు. ఇవే తర్వాతి తరాలకు మధురమైన జ్ఞాపకాలుగా నిలవడంతో పాటు అప్పటి పరిస్ధితులకూ అద్దం పడుతుంటాయి. ఇక ఓ వ్యక్తి 1958 నుంచి 1974 వరకూ తాను చూసిన సినిమాలను తేదీ, సమయం వంటి వివరాలతో సహా రికార్డు చేశారు. ఓ డైరీలో తాను చూసిన 470 సినిమాల రికార్డును పదిలపరిచాడు.
ఆ వ్యక్తి మనవడు అక్షీ ఈ వివరాలను ట్విట్టర్లో పోస్ట్ చేయగా ఇప్పుడు ఆ పోస్ట్ సోషల్ మీడియాలో వైరల్గా మారింది. ఆయా సినిమాల పేర్లు, భాష వంటి అనేక వివరాలు ఈ డైరీలో ఉన్నాయి. ఎన్నో ఏండ్ల కిందటే మా తాత ఆయన వెర్షన్గా పిలిచే లెటర్బాక్స్డ్ క్రియేట్ చేశారు..తాను చూసిన సినిమాల వివరాలను అందులో పొందుపరిచారు. థియేటర్లలో హిచ్కాక్, జేమ్స్ బాండ్ సినిమాలను ఆయన వీక్షించారని పోస్ట్కు క్యాప్షన్ ఇచ్చారు.
1958 నుంచి 1974 వరకూ సదరు వ్యక్తి చూసిన సినిమాలకు సంబంధించిన పూర్తి వివరాలతో కూడిన ఎంట్రీలు ఈ డైరీలో కనిపించాయి. అసలు తన తాత ఎన్ని సినిమాలు చూశారనే వివరాలను ప్రస్తావిస్తూ అక్షీ రెండు వేర్వేరు ట్వీట్స్లో వెల్లడించారు. ఈ పోస్ట్ నెటిజన్లను విశేషంగా ఆకట్టుకుంది. ఇది చాలా అమూల్యమైనదని ఓ యూజర్ కామెంట్ చేయగా అసలైన సినీ ప్రేమికుడంటే మీ తాతేనని మరో యూజర్ రాసుకొచ్చారు.
Read More :