Mangalavaram Movie | ఈ మధ్య కాలంలో ఒక్క టీజర్తో సినీ ప్రియులందరినీ తన వైపు తిప్పుకుంది మంగళవారం సినిమా. టైటిల్ పోస్టర్ నుంచి ఈ సినిమాపై జనాల్లో విపరీతమైన అంచనాలు పెరిగాయి. దానికి తోడు టీజర్ అంచనాలను అమాంతం పెంచేసింది. అసలు మంగళవారం ఏం జరిగిందన్న క్యూరియాసిటీ అందరిలోనూ క్రియేట్ అయింది. ఇక మహాసముద్రంతో అల్ట్రా డిజాస్టర్ సాధించిన అజయ్ భూపతి ఈ సారి హార్రర్ కమ్ థ్రిల్లర్ జానర్ను ఎంచుకుని జనాలను భయపెట్టేందుకు సిద్ధమయ్యాడు. ఇక ఈ సినిమా నవంబర్ 17న రిలీజ్ కాబోతుంది. ఈ క్రమంలో మేకర్స ఇప్పటినుంచి బ్యాక్ టు బ్యాక్ అప్డేట్లు ప్రకటిస్తూ సినిమాపై అంతకంతకూ అంచనాలు పెంచుకుంటూ పోతున్నారు.
తాజాగా ఈ సినిమాలోని ఏమయ్యిందో ఏమిటో అంటూ సాగే మెలోడీ సాంగ్ను రిలీజ్ చేశారు. ఈ పాటలో పాయల్ తన అందా చందాలతో యూత్ను కట్టిపడేసింది. మరీ ముఖ్యంగా ఆర్ఎక్స్100లోని ఇందు పాత్రను గుర్తుచేసింది. ఆ సినిమాలోని పిల్లా రా పాటకు మించి రొమాన్స్ ఈ పాటలో కనిపించింది. కాంతార సంగీత దర్శకుడు అజనీష్ లోకనాథ్ స్వర పరిచిన ఈ పాటను హర్షిక దేవనాథ్ ఆలపించగా చైతన్య ప్రసాద్ సాహిత్యం అందించాడు. ఇప్పటికే రిలీజైన గణగణ మోగాలిరా పాటకు ఆడియెన్స్ నుంచి అదిరిపోయే రెస్పాన్స్ వచ్చింది. నందిత శ్వేత, రంగం ఫేమ్ అజ్మల్ కీలకపాత్రల్లో నటిస్తున్న ఈ సినిమాను ముద్ర మీడియా వర్క్స్, ఏ క్రియేటీవ్ వర్క్స్ సంయుక్తంగా నిర్మిస్తున్నాయి.
ఆర్ఎక్స్100తో సంచలనం సృష్టించిన అజయ్ భూపతి.. మహా సముద్రం వంటి తేలిపోయిన సినిమా చేయడం ఎవ్వరూ ఊహించలేరు. పైగా శర్వానంద్, సిద్దార్థ్ వంటి అద్భుతమైన కాస్ట్ను పెట్టుకుని ఆ రేంజ్ అవుట్ పుట్ ఇవ్వడం అందరినీ షాకింగ్కు గురి చేసింది. అయితే ఆ సినిమా ప్రభావం మంగళవారంపై ఏ మాత్రం పడలేదు. పైగా ఇప్పుడంతా థ్రిల్లర్ సినిమాలదే హావా అవడంతో మంగళవారం సినిమాపై జనాల్లో తిరుగులేని అంచనాలున్నాయి.