అలా నమితను కాస్తా మమితనయ్యా

‘ప్రేమలు’ సినిమా మమితాబైజు తలరాతను మార్చింది. ఆ సినిమాలోని ఆమె నటన, క్యూట్‌ ఎక్స్‌ప్రెషన్స్‌ యువతను విశేషంగా ఆకట్టుకున్నాయి.

‘ప్రేమలు’ సినిమా మమితాబైజు తలరాతను మార్చింది. ఆ సినిమాలోని ఆమె నటన, క్యూట్‌ ఎక్స్‌ప్రెషన్స్‌ యువతను విశేషంగా ఆకట్టుకున్నాయి. ఆ ఒక్కసినిమాతోనే దక్షిణభారతం మొత్తం మమితకు ఫ్యాన్‌ బేస్‌ ఏర్పడింది. ఆ తర్వాత వచ్చిన డ్యూడ్‌, జననాయగన్‌, విశ్వనాథ్‌ అండ్‌ సన్స్‌ సినిమాలు ఆమెను ప్రేక్షకులకు మరింత చేరువ చేశాయి. ప్రస్తుతం తమిళంలో ‘ఇరందు వానమ్‌’, మలయాళంలో ‘హలో డియర్‌’ సినిమాలు చేస్తూ మమిత బిజీగా ఉన్నది. ఇదిలావుంటే.. ఇటీవల ఓ ఇంటర్వ్యూలో తన పేరుకు సంబంధించిన ఓ రహస్యాన్ని బయటపెట్టింది మమితా బైజు.

నిజానికి ఆమె పుట్టగానే తల్లిదండ్రులు పెట్టిన పేరు నమిత. అయితే.. బర్త్‌ సర్టిఫికెట్‌ నమోదు చేసే క్రమంలో అధికారుల పొరపాటు కారణంగా ‘నమిత’ అనే పేరు కాస్తా.. ‘మమిత’గా మారిపోయిందట. ఈ విషయంపై ఆమె మాట్లాడుతూ ‘ఈ విషయం అమ్మానాన్నలకు కూడా వెంటనే తెలియలేదు. నాలుగేళ్ల వయసులో నన్ను స్కూల్‌లో చేర్పించడానికి నా బర్త్‌ సర్టిఫికెట్‌ని పరిశీలించగా ఈ తప్పు బయటపడింది. అప్పటికే అఫీషియల్‌ డాక్యుమెంట్స్‌ అన్నింటిలో మమితా అనే పేరే నమోదైపోవడంతో దాన్ని మార్చడం సాధ్యం కాలేదు. అలా నమితను కాస్తా మమితను అయ్యాను’ అంటూ చెప్పుకొచ్చింది మమితాబైజు.