Mahesh Vitta |యూట్యూబర్, కమెడియన్, బిగ్ బాస్ తెలుగు ఫేం మహేశ్ విట్టా (Mahesh Vitta) బ్యాచ్లర్ లైఫ్కు బైబై చెప్పేశాడు. మహేశ్ విట్టా ఓ ఇంటివాడయ్యాడు. తన స్నేహితురాలు శ్రావణిరెడ్డి (Sravani Reddy)ని వివాహం (Ties The Knot) చేసుకున్నాడు మహేశ్ విట్టా. కడప జిల్లా ప్రొద్దుటూరులోని హెల్త్ క్లబ్ ఫంక్షన్ హాల్లో మహేశ్- శ్రావణి వెడ్డింగ్ ఈవెంట్ జరిగింది. వివాహ వేడుకకు బిగ్ బాస్ సీజన్ 3 కంటెస్టంట్లు హాజరై.. నూతన వధూవరులను ఆశీర్వదించారు.
హిందూ సంప్రదాయ పద్దతిలో హల్దీ, మెహిందీ, రిసెప్షన్ను నిర్వహించారు. మహేశ్ విట్టా వెడ్డింగ్ ఈవెంట్కు సంబంధించిన ఫొటోలు ఇప్పుడు నెట్టింట ట్రెండింగ్ అవుతున్నాయి. ఐదేండ్లుగా ప్రేమలో కొనసాగిన మహేశ్- శ్రావణి.. కొత్త జీవితంలోకి అడుగుపెడుతున్న సందర్భంగా నెటిజన్లు, ఫాలోవర్లు శుభాకాంక్షలు తెలియజేస్తున్నారు.
యూట్యూబర్గా కెరీర్ మొదలుపెట్టిన మహేశ్ విట్టా కొంతకాలానికి బిగ్ బాస్ సీజన్ 3తో టీవీ స్క్రీన్పై మెరిశాడు. ఆ తర్వాత నాని నటించిన కృష్ణార్జున యుద్దం, శమంతకమణి, కొండపొలం, టాక్సీవాలా, ఛలో, కొండపొలం, అల్లుడు అదుర్స్ సినిమాల్లో క్యారెక్టర్ ఆర్టిస్ట్గా నటించాడు.