Love Story: ల‌వ్ స్టోరీ రిలీజ్ డేట్ ఫిక్స్ చేసిన మేక‌ర్స్

నాగ చైత‌న్య‌, సాయి ప‌ల్ల‌వి ప్ర‌ధాన పాత్ర‌ల‌లో సెన్సిబుల్ డైరెక్ట‌ర్ శేఖ‌ర్ క‌మ్ముల తెర‌కెక్కించిన చిత్రం ల‌వ్ స్టోరీ. ఫిదా మాదిరిగానే ఈ చిత్రం కూడా తెలంగాణలో జరిగే ఒక అందమైన ప్రేమకథ. భావోద్వేగాలకు ప్రాధాన్యతనిచ్చే బరువైన కథ. ఫస్టులుక్ పోస్టర్ దగ్గర నుంచి ఈ సినిమా యూత్ లో ఆసక్తిని పెంచుతూ వస్తోంది. క‌రోనా వ‌ల‌న ఈ సినిమా వాయిదా ప‌డుతూ వ‌స్తుంది.

ఎట్ట‌కేల‌కు వినాయ‌క చ‌వితి పండుగ సంద‌ర్భంగా మూవీ రిలీజ్ డేట్ ప్ర‌క‌టించారు మేక‌ర్స్. కొన్ని కార‌ణాల వ‌ల‌న చిత్రం వాయిదా వేయాల్సి వ‌చ్చింద‌ని, సెప్టెంబ‌ర్ 24న ఈ చిత్రం ప్ర‌పంచ వ్యాప్తంగా థియేట‌ర్స్‌లో విడుద‌ల కానుంద‌ని ప్ర‌క‌టించారు. ఇక అభిమానులు ఈ సినిమా చూసి ఎంజాయ్ చేసేందుకు సిద్ధం కండి.

ఈ సినిమా నుండి వ‌చ్చిన ‘సారంగధరియా’ పాట ఎంత సెన్సేష‌న్ క్రియేట్ చేసిందో ప్ర‌త్యేకంగా చెప్ప‌న‌క్క‌ర్లేదు. పవన్ సీహెచ్ స్వరపరిచిన ఈ పాట, జానపద కథ అయిన ‘సారంగధరుడు’ నుంచి వచ్చిందనే చెప్పొచ్చు. సారంగద‌రియా పాట సినిమాపై భారీ అంచ‌నాలు పెంచింది. సీనియర్ హీరోయిన్ దేవయాని కీలకమైన పాత్రను పోషించిన ఈ సినిమాలో, రావు రమేశ్ .. పోసాని ముఖ్యమైన పాత్రలలో కనిపించనున్నారు.