Liger Movie | అప్పుడే ఓటీటీలోకి ‘లైగ‌ర్’ మూవీ.. స్ట్రీమింగ్ ఎప్పుడంటే?

Liger Movie On OTT | ప్ర‌స్తుతం విజ‌య్ దేవ‌ర‌కొండ ఒక హిట్టు కోసం ఎంత‌గానో ఎదురు చూస్తున్నాడు. వ‌ర‌ల్డ్ ఫేమ‌స్ ల‌వ‌ర్ త‌ర్వాత దాదాపు రెండేళ్ళు గ్యాప్ తీసుకుని లైగ‌ర్‌తో ఇటీవ‌లే ప్రేక్ష‌కుల ముందుకు వ‌చ్చాడు. ఆగ‌స్టు 25న విడుద‌లైన ఈ చిత్రం మిక్స్డ్ టాక్ తెచ్చుకొని బాక్సాఫీస్ ద‌గ్గ‌ర ఫ్లాప్‌గా నిలిచింది. ఓపెనింగ్స్ ప‌ర్వాలేద‌నిపించిన రెండవ రోజు నుండి ఫుల్ డ్రాప్స్ ప‌డ్డాయి. క‌నీసం థియేట‌ర్ రెంట్‌కు స‌రిప‌డ క‌లెక్ష‌న్లు కూడా రాక‌పోవ‌డంతో వారంలోపే సినిమాను తీసేసారు. ఈ సినిమా ఫ‌లితం మేక‌ర్స్‌ను తీవ్రంగా నిరాశ‌ప‌రిచింది. ఇదిలా ఉంటే ఈ చిత్రం ఎప్పుడెప్పుడు ఓటీటీలోకి వ‌స్తుందా అని ప్రేక్ష‌కులు ఎంత‌గానో ఎదురు చూస్తున్నారు. తాజాగా ఈ సినిమా డిజిటల్ రిలీజ్‌కు సంబంధించిన ఓ వార్త నెట్టింట వైర‌ల్‌గా మారింది.

‘లైగ‌ర్’ సినిమా డిజిట‌ల్ హ‌క్కుల‌ను ప్ర‌ముఖ ఓటీటీ సంస్థ డిస్నీ+హాట్‌స్టార్ కొనుగోలు చేసిన విష‌యం తెలిసిందే. కాగా ఈ చిత్రం సెప్టెంబ‌ర్ 30 నుండి స్రీమింగ్ కానున్న‌ట్లు తెలుస్తుంది. దీనిపై త్వ‌ర‌లోనే అధికారిక ప్ర‌క‌ట‌న వ‌చ్చే ఛాన్స్ ఉంది. ఈ చిత్రాన్ని క‌ర‌ణ్‌జోహ‌ర్‌, ఛార్మీతో క‌లిసి పూరి స్వీయ నిర్మాణంలో తెర‌కెక్కించాడు. మార్ష‌ల్ ఆర్స్ట్ నేప‌థ్యంలో తెర‌కెక్కిన ఈ చిత్రంలో విజ‌య్‌కు జోడీగా అన‌న్య‌పాండే హీరోయిన్‌గా న‌టించింది. ప్ర‌ముఖ బాక్స‌ర్ మైక్ టైస‌న్ కీల‌కపాత్ర‌లో న‌టించాడు.