Visit:
KCR | జబర్దస్త్‌ కమెడియన్‌ రాకింగ్‌ రాకేష్‌ స్వీయ నిర్మాణంలో హీరోగా నటిస్తున్న చిత్రం ‘కేశవ చంద్ర రమావత్‌’ (కేసీఆర్‌). గరుడవేగ అంజి దర్శకత్వం వహిస్తున్నారు. అనన్య కృష్ణన్‌ కథానాయిక. ఈ నెల 22న ప్రేక్షకుల ముందుకురానుంది. శుక్రవారం రిలీజ్‌ డేట్‌ అనౌన్స్‌మెంట్‌ పోస్టర్‌ను నటుడు, దర్శకుడు ‘బలగం’ వేణు విడుదల చేశారు. ‘ఓ లంబాడీ యువకుడి నిజ జీవితం నుంచి స్ఫూర్తిపొంది ఈ సినిమాను తెరకెక్కించాం. మాజీ ముఖ్యమంత్రి కేసీఆర్‌గారి అభిమాని కథగా అందరినీ ఆకట్టుకుంటుంది.
తెలుగు రాష్ర్టాలతో పాటు ప్రపంచవ్యాప్తంగా ఈ సినిమాను విడుదల చేయబోతున్నాం’ అని చిత్రబృందం పేర్కొంది. తనికెళ్ల భరణి, ధనరాజ్‌, తాగుబోతు రమేష్‌, జోర్దార్‌ సుజాత, లోహిత్‌ కుమార్‌, రచ్చ రవి తదితరులు నటిస్తున్న ఈ చిత్రానికి సంభాషణలు: రాజ్‌కుమార్‌ కుసుమ, సంగీతం: చరణ్‌అర్జున్‌, స్క్రీన్‌ప్లే, రచన, నిర్మాత: రాకింగ్‌ రాకేష్‌, సినిమాటోగ్రఫీ, దర్శకత్వం: ‘గరుడవేగ’ అంజి.
