సినీ పరిశ్రమ (Cinema Industry)లో స్టార్ డమ్ ఉన్న హీరోయిన్లకు కొదవేమీ లేదనే సంగతి తెలిసిందే. కెరీర్లో ప్రయోగాత్మక చిత్రాలు చేసే స్టార్ హీరోయిన్లు మాత్రం కొద్ది మందే ఉంటారు. అలాంటి జాబితాలో లీడ్ పొజిషన్ లో ఉంటుంది కోలీవుడ్ భామ కీర్తిసురేశ్ (Keerthy Suresh). మహానటి సినిమాతో కోట్లాదిమంది ఫ్యాన్స్ ఖాతాలో వేసుకుంది కీర్తిసురేశ్. ప్రస్తుతం సూపర్ స్టార్ మహేశ్ బాబుతో కలిసి సర్కారు వారి పాట సినిమా చేస్తోంది. ఈ భామ స్టారో హీరోయిన్ రష్మిక బాటలో పయనించేందుకు ముస్తాబవుతుందట. ఇంతకీ ఏ విషయంలో అని తెగ ఆలోచిస్తున్నారా..? ఆ విషయంలోకి వెళ్దాం.
గ్లామరస్ పాత్రలతో సినీ లవర్స్ ను కట్టిపడేసిన రష్మిక (rashmika mandanna) ఇటీవలే పుష్ప సినిమాలో మెరిసింది. అయితే ఈ సారి మాత్రం డీగ్లామరైజ్ డ్ పాత్రలో సరికొత్తగా కనిపించి అందరినీ మెప్పించింది. విషయం ఇప్పటికే అర్థమై ఉంటుంది. కీర్తిసురేశ్ కూడా డీగ్లామరస్ పాత్రలో కనిపించనుందట. మరి ఏ సినిమా కోసమనే మీ డౌటు. నాని, కీర్తిసురేశ్ కాంబోలో వస్తున్న ప్రాజెక్టు దసరా. నాని, కీర్తిసురేశ్ కెరీర్లోనే ఖరీదైన సినిమాగా రాబోతుంది. తాజాగా ఫిలింనగర్ సర్కిల్లో చక్కర్లు కొడుతున్న అప్ డేట్ ప్రకారం కీర్తిసురేశ్ ఇదివరకెన్నడూ కనిపించని విధంగా డీ గ్లామరస్ రోల్లో కనిపించనుందట.
కీర్తిసురేశ్ మేకోవర్ ఫ్యాన్స్ ను ఆశ్చర్యంలో ముంచెత్తడం ఖామయని చర్చ నడుస్తోంది.తెలంగాణ బ్యాక్ డ్రాప్లో జరిగినే ఇంటెన్స్ పీరియాడిక్ డ్రామా నేపథ్యంలో రాబోతున్న ఈ చిత్రాన్ని డెబ్యూ డైరెక్టర్ శ్రీకాంత్ ఓదెల డైరెక్ట్ చేస్తున్నాడు. సుధాకర్ చెరుకూరి నిర్మిస్తున్నారు. సంతోష్ నారాయన్ సౌండ్ ట్రాక్ చూస్తుండగా..నవీన్ నూలి ఎడిటర్. మలయాళ హీరో రోషన్ మాథ్యూ ఈ సినిమాతో టాలీవుడ్ ఎంట్రీ ఇస్తున్నాడు.