కన్నప్ప కామిక్‌ సిరీస్‌ విడుదల

మంచు విష్ణు టైటిల్‌ రోల్‌ పోషిస్తున్న భక్తిరసాత్మక చిత్రం ‘కన్నప్ప’. శ్రీకాళహస్తి స్థల పురాణం ఆధారంగా ముఖేష్‌కుమార్‌సింగ్‌ తెరకెక్కిస్తున్న ఈ చిత్రానికి నిర్మాత ఎం.మోహన్‌బాబు. భారీ అంచనాలు నెలకొన్న ఈ పాన్‌ ఇండియా సినిమా జూన్‌ 27న ప్రపంచవ్యాప్తంగా విడుదల కానుంది.

మంచు విష్ణు టైటిల్‌ రోల్‌ పోషిస్తున్న భక్తిరసాత్మక చిత్రం ‘కన్నప్ప’. శ్రీకాళహస్తి స్థల పురాణం ఆధారంగా ముఖేష్‌కుమార్‌సింగ్‌ తెరకెక్కిస్తున్న ఈ చిత్రానికి నిర్మాత ఎం.మోహన్‌బాబు. భారీ అంచనాలు నెలకొన్న ఈ పాన్‌ ఇండియా సినిమా జూన్‌ 27న ప్రపంచవ్యాప్తంగా విడుదల కానుంది. మోహన్‌బాబుతోపాటు మోహన్‌లాల్‌, శివరాజ్‌కుమార్‌, ప్రభాస్‌, శరత్‌కుమార్‌ వంటి స్టార్‌ హీరోలు ఈ సినిమాలో భాగం కావడం విశేషం. ఇప్పటికే విడుదలైన ప్రచార చిత్రాల వల్ల సినిమాపై మంచి బజ్‌ ఏర్పడిందని మేకర్స్‌ చెబుతున్నారు.

కన్నప్ప కథకు అందరికీ చేరువ చేయాలనే తలంపుతో మంచు విష్ణు ఈ కథను కామిక్‌ సిరీస్‌గా తీసుకొచ్చిన విషయం తెలిసిందే. ఈ సిరీస్‌కి సంబంధించిన మొదటి రెండు ఎపిసోడ్‌లకూ మంచి స్పందన లభించిందని మేకర్స్‌ తెలిపారు. ఈ సందర్భంగా శుక్రవారం మూడో ఎపిసోడ్‌ని విడుదల చేశారు. తిన్నడులోని భావోద్వేగ, ఆధ్యాత్మిక పరివర్తనను ఈ చివరి ఎపిసోడ్‌ సూచిస్తుందని, నాస్తికుడైన తిన్నడు, ఆస్తికుడైన కన్నప్పగా ఎలా మారాడో ఈ ఎపిసోడ్‌ తెలియజేస్తుందని, ప్రేమ, భక్తి, త్యాగంతో నిండిన ఈ కథ అందర్నీ ఆకట్టుకుంటుందని మేకర్స్‌ చెబుతున్నారు. ఏఐ ద్వారా క్రియేట్‌ చేసిన ఈ విజువల్స్‌ అందర్నీ అబ్బురపరుస్తాయని మేకర్స్‌ పేర్కొన్నారు.