కమల్‌హాసన్‌ కొత్త సినిమా

గత ఏడాది విడుదలైన ‘థగ్‌ లైఫ్‌' తర్వాత అగ్ర నటుడు కమల్‌హాసన్‌ కొత్త సినిమా పట్టాలెక్కలేదు. నెల్సన్‌ దిలీప్‌కుమార్‌ దర్శకత్వంలో రజనీకాంత్‌తో కలిసి ఓ మల్టీస్టారర్‌ సినిమా ప్రకట జరిగింది. దాంతో పాటు స్టంట్‌ మాస్టర్‌ అన్బరివ్‌ దర్శకత్వంలో కూడా కమల్‌హాసన్‌ ఓ సినిమాకు గ్రీన్‌సిగ్నల్‌ ఇచ్చారు.

గత ఏడాది విడుదలైన ‘థగ్‌ లైఫ్‌’ తర్వాత అగ్ర నటుడు కమల్‌హాసన్‌ కొత్త సినిమా పట్టాలెక్కలేదు. నెల్సన్‌ దిలీప్‌కుమార్‌ దర్శకత్వంలో రజనీకాంత్‌తో కలిసి ఓ మల్టీస్టారర్‌ సినిమా ప్రకట జరిగింది. దాంతో పాటు స్టంట్‌ మాస్టర్‌ అన్బరివ్‌ దర్శకత్వంలో కూడా కమల్‌హాసన్‌ ఓ సినిమాకు గ్రీన్‌సిగ్నల్‌ ఇచ్చారు. అయితే ఇప్పటివరకు ఈ రెండు చిత్రాలు ప్రకటనల వరకే పరిమితమై పోయాయి. ఈ నేపథ్యంలో అభిమానుల్ని సర్‌ప్రైజ్‌ చేస్తూ ఎస్‌.యు.అరుణ్‌కుమార్‌ దర్శకత్వంలో కొత్త చిత్రానికి శ్రీకారం చుట్టారు కమల్‌హాసన్‌. గురువారం కమల్‌హాసన్‌ లుక్‌ టెస్ట్‌ గ్లింప్స్‌ను విడుదల చేశారు.

ఇందులో ఆయన సాల్ట్‌ అండ్‌ పెప్పర్‌ లుక్‌లో చేతిలో ఆయుధాన్ని ధరించి పవర్‌ఫుల్‌గా కనిపిస్తున్నారు. యాక్షన్‌ ప్రధానంగా ఈ చిత్రాన్ని తెరకెక్కించబోతున్నారని ఫస్ట్‌లుక్‌ని చూస్తే అర్థమవుతున్నది. ‘సేతుపతి’ ‘చిత్తా’ చిత్రాలతో తమిళంలో మంచి గుర్తింపును సంపాదించుకున్నాడు దర్శకుడు ఎస్‌.యు.అరుణ్‌కుమార్‌. తాజాగా ఆయన కమల్‌హాసన్‌ను డైరెక్ట్‌ చేయడం తమిళ సినీ వర్గాల్లో ఆసక్తికరంగా మారింది. ఈ సినిమా షూటింగ్‌ త్వరలో ప్రారంభమవుతుందని మేకర్స్‌ తెలిపారు. రాజ్‌కమల్‌ఫిల్మ్స్‌ ఇంటర్నేషనల్‌, టర్మరిక్‌ మీడియా ప్రైవేట్‌ లిమిటెడ్‌ పతాకాలపై కమల్‌హాసన్‌, ఆర్‌.మహేంద్రన్‌ ఈ చిత్రాన్ని తెరకెక్కించబోతున్నారు.