సుప్రీం యాస్కిన్‌ బీభత్సకాండ సెకండ్‌పార్ట్‌లో

‘కల్కి 2898 ఏడీ’ సినిమా చూసిన ప్రేక్షకుల్లో చర్చనీయాంశంగా మారిన పాత్ర ‘సుప్రీం యాస్కిన్‌'. రెండొందల ఏళ్ల రాక్షసుడు యాస్కిన్‌గా కమల్‌హాసన్‌ ఒదిగిపోయి నటించారు.

‘కల్కి 2898 ఏడీ’ సినిమా చూసిన ప్రేక్షకుల్లో చర్చనీయాంశంగా మారిన పాత్ర ‘సుప్రీం యాస్కిన్‌’. రెండొందల ఏళ్ల రాక్షసుడు యాస్కిన్‌గా కమల్‌హాసన్‌ ఒదిగిపోయి నటించారు. నమ్మశక్యం కాని ఆయన రూపం ప్రేక్షకుల్లో చర్చకు దారితీసింది. దర్శకుడు నాగ్‌అశ్విన్‌ ఒకే సెట్‌లో గ్రీన్‌మ్యాట్‌ వేసి కమల్‌ సీన్స్‌ అన్నీ తీసేశాడు. సకలకళా వల్లభుడైన కమల్‌.. విలన్‌గా కూడా విశ్వరూపం చూపించేశాడు.

రీసెంట్‌గా ఈ సినిమాను ఆయన చెన్నయ్‌లో తిలకించారు. ఆ తర్వాత తన పాత్ర గురించి ప్రత్యేకంగా మీడియాతో ముచ్చటించారు. ‘ ‘కల్కి’ రెండవభాగంలో నా పాత్ర అధికంగా ఉంటుంది. ఈ పాత్రను అంగీకరించడానికి ఏడాది పాటు ఆలోచించా. అసలు ఈ పాత్ర చేయగలనా అనే సందేహం కూడా కలిగింది.

దర్శకుడు నాగీకి సహనం ఎక్కువ. అందరితో అద్భుతంగా చేయించుకున్నాడు. పురాణాలకు సైన్స్‌ని ముడిపెట్టి తెరపై ఓ అద్భుతాన్ని ఆవిష్కరించాడు. ఎంత ఓపిగ్గా కథ రాసుకున్నాడో అంతే ఓపిగ్గా తెరకెక్కించాడు. దాని ప్రతిఫలమే ఈ విజయం. సుప్రీం యాస్కిన్‌ బీభత్సకాండను సెకండ్‌ పార్ట్‌లో చూస్తారు’ అన్నారు కమల్‌హాసన్‌.