చిరంజీవి చిన్న‌ల్లుడు కళ్యాణ్‌ దేవ్‌కు క‌రోనా పాజిటివ్‌..!

Corona virus | చిరంజీవి ( Chiranjeevi ) చిన్న‌ల్లుడు క‌ళ్యాణ్ దేవ్‌ ( Kalyaan dhev )కు కరోనా పాజిటివ్‌గా నిర్దార‌ణ అయింది.

April 22, 2021 / 05:23 PM IST

చిరంజీవి చిన్న‌ల్లుడు కళ్యాణ్‌ దేవ్‌కు క‌రోనా పాజిటివ్‌..!

క‌రోనా మ‌హ‌మ్మారి టాలీవుడ్‌ని కుదిపేస్తుంది. ఈ వైర‌స్ వ‌ల‌న ఇప్ప‌టికే చాలా మంది క‌రోనా బారిన ప‌డ‌గా, తాజాగా చిరంజీవి ( Chiranjeevi ) చిన్న‌ల్లుడు క‌ళ్యాణ్ దేవ్‌ ( Kalyaan dhev )కు పాజిటివ్‌గా నిర్దార‌ణ అయింది. బుధ‌వారం రోజు కొద్దిపాటి ల‌క్ష‌ణాలు క‌నిపించ‌డంతో కోవిడ్ 19 ప‌రీక్ష చేయించుకోవ‌డంతో పాజిటివ్ రిపోర్ట్ వ‌చ్చింద‌ని క‌ళ్యాణ్ దేవ్ త‌న సోష‌ల్ మీడియా ద్వారా పేర్కొన్నారు. హాస్పిట‌ల్‌లో క్వారంటైన్‌లో ఉన్న‌ట్టు తెలిపిన క‌ళ్యాణ్ దేవ్ త్వ‌ర‌లోనే మ‌రింత శ‌క్తివంతంగా, ఆరోగ్యంగా వ‌స్తాన‌ని స్ప‌ష్టం చేశారు.

శ్రీజ‌ను రెండో వివాహం చేసుకున్న క‌ళ్యాణ్ దేవ్ విజేత అనే సినిమాతో వెండితెర ఆరంగేట్రం చేశారు. ఈ సినిమా పెద్ద‌గా అల‌రించ‌లేక‌పోయింది. ప్ర‌స్తుతం సూప‌ర్ మ‌చ్చి, కిన్నెర సాని అనే సినిమాలతో బిజీగా ఉన్నాడు. ఈ రెండు సినిమాలు అతి త్వ‌ర‌లోనే విడుద‌ల కానున్నాయి. కాగా, మెగా ఫ్యామిలీలో నాగ‌బాబు, ప‌వ‌న్ క‌ళ్యాణ్‌, వ‌రుణ్ తేజ్, రామ్ చ‌ర‌ణ్ క‌రోనా బారిన ప‌డిన విష‌యం తెలిసిందే.