Visit:
Kajal Aggarwal | మంచు విష్ణు టైటిల్‌ రోల్‌ని పోషిస్తున్న భక్తిరస ప్రధాన చిత్రం ‘కన్నప్ప’. ముఖేష్‌కుమార్‌ సింగ్‌ దర్శకుడు. ఈ చిత్రంలో మోహన్‌లాల్‌, మోహన్‌బాబు, అక్షయ్‌కుమార్‌, ప్రభాస్‌ వంటి అగ్ర తారలు భాగమవుతున్నారు. ఇటీవలే ప్రభాస్‌ ఈ సినిమా సెట్‌లో అడుగుపెట్టారు. ఈ సినిమాకు సంబంధించి ఓ ఇంట్రెస్టింగ్‌ అప్‌డేట్‌ వెలువడింది. ఈ చిత్రంలో కాజల్‌ అగర్వాల్‌ నటించనుంది.
మంచు విష్ణు, కాజల్‌ అగర్వాల్‌ కలిసి ‘మోసగాళ్లు’ చిత్రంలో నటించిన విషయం తెలిసిందే. ‘కన్నప్ప’ సినిమాలో కాజల్‌ అగర్వాల్‌ కీలకమైన అతిథి పాత్రలో కనిపిస్తుందని సమాచారం. ఆమె పాత్ర తాలూకు విశేషాలను త్వరలో వెల్లడించనున్నారు. ‘కన్నప్ప’ చిత్రీకరణ ప్రస్తుతం హైదరాబాద్‌లో జరుగుతున్నది. ఈ నెల 20న ‘కేన్స్‌’ ఫిల్మ్‌ ఫెస్టివల్‌లో టీజర్‌ను ఆవిష్కరించబోతున్నారు.
