Dil Raju | జూనియర్‌ ఎన్టీఆర్‌తో వన్స్‌మోర్‌.. దిల్ రాజు క్లారిటీ

త్వరలోనే క్రేజీ ప్రాజెక్ట్‌ ఎన్టీఆర్ 30 (NTR 30) షూటింగ్ షురూ కానుంది. కాగా జూనియర్ ఎన్టీఆర్ కు సంబంధించిన కొత్త ఇంట్రెస్టింగ్ వార్త ఒకటి ఫిలింనగర్‌లో చక్కర్లు కొడుతోంది.

టాలీవుడ్ స్టార్ హీరో జూనియర్ ఎన్టీఆర్ (Jr NTR) ప్రస్తుతం కొరటాల శివ దర్శకత్వంలో ఎన్టీఆర్ 30 (NTR 30)చేస్తున్న సంగతి తెలిసిందే. త్వరలోనే ఈ క్రేజీ ప్రాజెక్ట్‌ షూటింగ్ షురూ కానుంది. కాగా తారక్‌కు సంబంధించిన కొత్త ఇంట్రెస్టింగ్ వార్త ఒకటి ఫిలింనగర్‌లో చక్కర్లు కొడుతోంది. త్వరలోనే స్టార్ ప్రొడ్యూసర్ దిల్ రాజు (Dil Raju)తో సినిమా చేయబోతున్నట్టు అప్‌డేట్ నందమూరి అభిమానుల్లో జోష్‌ నింపుతోంది. ఓ చిట్ చాట్‌లో దిల్‌ రాజు చేసిన కామెంట్స్ ఈ క్రేజీ కాంబినేషన్‌పై క్లారిటీ ఇస్తున్నాయి.

జూనియర్ ఎన్టీఆర్‌కు, నాకు మధ్య మంచి అవగాహన ఉంది. మేము ముగ్గురు దర్శకులను కలిసి.. వారి కథలను విన్నాం. ఈ మూడింటిలో నుంచి ఒకటి ఎంపిక చేసుకుని సినిమా చేస్తాం. త్వరలోనే మా కాంబినేషన్‌లో సినిమా ఉంటుందని ఆశిస్తున్నానని చిట్‌చాట్‌లో చెప్పారు దిల్ రాజు. ఈ ఒక్క కామెంట్‌తో ఇక త్వరలోనే తారక్‌-దిల్‌ రాజు కలయికలో మరో సినిమా రాబోతుందని అర్థమవుతుంది. మరి ఈ ఇద్దరు ఎలాంటి కథతో ఈ సారి ప్రేక్షకుల ముందుకొస్తారనేది చూడాలంటున్నారు సినీ జనాలు.

ఇప్పటికే దిల్ రాజు-జూనియర్‌ ఎన్టీఆర్ కాంబోలో బృందావనం, రామయ్యా వస్తావయ్యా సినిమాలు వచ్చాయి. దిల్‌ రాజు ప్రస్తుతం విజయ్‌తో వారిసు సినిమా తెరకెక్కిస్తున్నారు. ఈ చిత్రం సంక్రాంతి కానుకగా థియేటర్లలో సందడి చేయనుంది. మరోవైపు రాంచరణ్‌-శంకర్‌ కాంబినేషన్‌లో ఆర్‌సీ 15 మూవీని కూడా నిర్మిస్తున్నారు. ప్రస్తుతం ఈ ప్రాజెక్ట్‌ షూటింగ్‌ దశలో ఉంది.

Read Also : Allari Naresh | క్రేజీ టాక్‌.. స్టార్ హీరో సినిమాలో అల్లరి నరేశ్ ‌..!

Read Also : Dhamki | ధమ్‌కీలో ఆర్‌పీ పట్నాయక్‌ పాట.. విశ్వక్‌సేన్‌ అప్‌డేట్