Ram Charan | చ‌ర‌ణ్ బ‌ర్త్‌డేని వెరైటీగా సెల‌బ్రేట్ చేసిన జ‌పనీస్.. గేమ్ ఛేంజ‌ర్ రిలీజ్ చేయాలంటూ డిమాండ్

Ram Charan |ఈ రోజు రామ్ చ‌ర‌ణ్ 40వ బ‌ర్త్ డే సంద‌ర్భంగా అక్కడ చాలా మంది అభిమానులు రామ్ చరణ్ కి బర్త్ డే విషెస్ తెలియజేసి ఆనందం వ్యక్తం చేసారు. అంతే కాకుండా గేమ్ ఛేంజర్ ని కూడా అక్కడ రిలీజ్ చేయాలి అంటూ డిమాండ్ చేస్తుండడం గమనార్హం

Ram Charan | జ‌ప‌నీస్ తెలుగు హీరోల‌పై తెగ ప్రేమ‌ని పెంచేసుకుంటున్నారు. బాహుబ‌లి స‌మ‌యంలో ప్ర‌భాస్‌పై అమిత‌మైన ఇష్టాన్ని చూపించారు. కొంద‌రు ఫ్యాన్స్ అయితే ప్ర‌భాస్‌ని క‌లిసేందుకు ఏకంగా హైద‌రాబాద్‌కి వ‌చ్చారు. ఇక దేవ‌ర‌’ జ‌పాన్ లో రిలీజ్ సంద‌ర్భంగా యంగ్ టైగ‌ర్ ఎన్టీఆర్ స‌తీస‌మేతంగా ఆ దేశంకి వెళ్ల‌గా అక్క‌డి ప్ర‌జ‌లు తార‌క్‌పై చూపిస్తున్న ప్రేమ‌కి ఫిదా అయిపోయారు. రీసెంట్‌గా ఓ ఇంట్రెస్టింగ్ ట్వీట్ కూడా చేశాడు. జ‌పాన్ వెళ్లిన ప్ర‌తీసారి నాకు బ్యూటీఫుల్ మెమోరీస్ ల‌భిస్తాయి. కానీ ఈసారి కాస్త భిన్నంగా ఒక అభిమాని ఆర్ ఆర్ ఆర్ సినిమా చూసాక తెలుగు నేర్చుకున్న‌ట్లు చెప్ప‌డం ఎంతో సంతోషాన్ని ఇచ్చింద‌ని అన్నాడు.

ఆర్ఆర్ఆర్ సినిమాతో రామ్ చ‌ర‌ణ్‌కి కూడా గ్లోబ‌ల్‌గా మంచి క్రేజ్ వ‌చ్చింది. ఆర్ఆర్ఆర్ మూవీ సక్సెస్‌తో రామ్ చరణ్ హీరోగా సుకుమార్ దర్శకత్వంలో తెరకెక్కిన ‘రంగస్థలం’ మూవీని జపాన్ దేశంలో విడుదల చేశారు. ఈ చిత్రంకి మంచి ఆద‌ర‌ణ ల‌భించింది. ఇక ఇప్పుడు రామ్ చ‌ర‌ణ్ న‌టించిన రీసెంట్ మూవీ గేమ్ ఛేంజ‌ర్‌ని జ‌పాన్‌లో రిలీజ్ చేయాల‌ని కోరుతున్నారు. ఈ రోజు రామ్ చ‌ర‌ణ్ 40వ బ‌ర్త్ డే సంద‌ర్భంగా అక్కడ చాలా మంది అభిమానులు రామ్ చరణ్ కి బర్త్ డే విషెస్ తెలియజేసి ఆనందం వ్యక్తం చేసారు. అంతే కాకుండా గేమ్ ఛేంజర్ ని కూడా అక్కడ రిలీజ్ చేయాలి అంటూ డిమాండ్ చేస్తుండడం గమనార్హం. ఇందుకు సంబంధించిన విజువ‌ల్స్ ఇప్పుడు నెట్టింట వైర‌ల్ అవుతున్నాయి.

ఇక గ్లోబల్ స్టార్ రామ్ చరణ్ హీరోగా జాన్వీ కపూర్ హీరోయిన్ గా టాలెంటెడ్ దర్శకుడు బుచ్చిబాబు పెద్ది అనే సినిమాని తెర‌కెక్కిస్తున్న విష‌యం తెలిసిందే. రామ్ చరణ్ కెరీర్లో 16వ సినిమాగా ఈ మూవీ రూపొందుతుంది. ఈ రోజు సినిమాలో రామ్ చ‌ర‌ణ్ లుక్‌కి సంబంధించిన పోస్ట‌ర్ విడుద‌ల చేయగా, ఇది ఫ్యాన్స్‌కి మాంచి కిక్ ఇచ్చింది. ఈ చిత్రానికి వృద్ధి సినిమాస్ నిర్మాణం వహిస్తుండగా మైత్రి మూవీ మేకర్స్ కూడా సహకారం అందిస్తున్నారు. భారీ బ‌డ్జెట్‌తో పాన్ ఇండియా రేంజ్‌లో ఈ మూవీని నిర్మిస్తున్నారు. చిత్రానికి ఏఆర్ రెహ్మ‌న్ సంగీతం అందిస్తున్నారు. స్పోర్ట్స్ బ్యాక్ డ్రాప్‌లో మూవీ తెర‌కెక్కుతుంద‌ని స‌మాచారం.

WE LOVE CHARAN…

Man of Masses #RamCharan’s Japan fans celebrated his 40th birthday with a special screening, honoring our Global Star with love and admiration! ❤️🎉#HBDRamCharan @AlwaysRamCharan pic.twitter.com/cl2Km8B6ld

— WC (@whynotcinemasHQ) March 27, 2025