Jani Master | సీక్రెట్‌గా విచారణ.. ఉప్పరపల్లి కోర్టుకు జానీ మాస్టర్‌

Jani Master | డ్యాన్సర్‌పై లైంగిక వేధింపులకు పాల్పడిన వివాదంలో కొరియోగ్రఫర్‌ జానీ మాస్టర్‌ (Jani Master)పై పోక్సో కేసు నమోదు చేశారని సంగతి తెలిసిందే. ఈ నేపథ్యంలో గోవాలో జానీ మాస్టర్‌ను అదుపులోకి తీసుకున్న సైబరాబాద్‌ పోలీసుల బృందం ఇవాళ వేకువ జామునే హైదరాబాద్‌కు తరలించారు.

September 20, 2024 / 12:50 PM IST

Jani Master | సీక్రెట్‌గా విచారణ.. ఉప్పరపల్లి కోర్టుకు జానీ మాస్టర్‌

Jani Master | డ్యాన్సర్‌పై లైంగిక వేధింపులకు పాల్పడిన వివాదంలో కొరియోగ్రఫర్‌ జానీ మాస్టర్‌ (Jani Master)పై ఐపీసీ సెక్షన్‌ 376, 506, 323(2)తోపాటు పోక్సో కేసులు నమోదు చేశారని సంగతి తెలిసిందే. ఈ నేపథ్యంలో గోవాలో జానీ మాస్టర్‌ను అదుపులోకి తీసుకున్న సైబరాబాద్‌ పోలీసుల బృందం ఇవాళ వేకువ జామునే హైదరాబాద్‌కు తరలించారు. జానీ మాస్టర్‌ను రాజేంద్రనగర్‌ సీసీఎస్‌ కార్యాలయంలో సీక్రెట్‌గా విచారించారు పోలీసులు. విచారణ అనంతరం జానీ మాస్టర్‌ను ఉప్పరపల్లి కోర్టుకు తరలించినట్టు సమాచారం.

ఈ కేసు విచారణలో నార్సింగి పోలీసులు ఇప్పటికే బాధితురాలి వాంగ్మూలం తీసుకున్నారు. బాధితురాలి ఇంట్లోనే విచారించిన పోలీసులు వివరాలు సేకరించారు. అనంతరం బాధితురాలికి వైద్య పరీక్షలు కూడా నిర్వహించారు. జానీ మాస్టర్‌ నాపై అత్యాచారం చేసి దాడి చేశాడు. షూటింగ్‌ టైంలో క్యారవాన్‌లో బలవంతం చేశాడు. సెక్స్‌ కోరిక తీర్చమని నన్ను ఎంతో వేధించాడు. తన మాట వినకపోతే ఆఫర్లు రాకుండా చేస్తానని బెదిరించాడు. , పెళ్లి చేసుకోవాలని జానీ మాస్టర్ తనపై ఒత్తిడి చేశాడని బాధితురాలు తన స్టేట్‌మెంట్‌లో పేర్కొంది.