Ala Bolelo | ‘జైలర్ 2’ నుంచి హుషారెత్తించే ఫస్ట్ సింగిల్.. ‘అలా బోలేలో’ సాంగ్ వచ్చేసింది!

Jailer 2 | సూపర్ స్టార్ రజనీకాంత్ (Superstar Rajinikanth) హీరోగా, నెల్సన్ దిలీప్ కుమార్ (Nelson Dilipkumar) దర్శకత్వంలో వస్తోన్న మోస్ట్ అవేటెడ్ సీక్వెల్ చిత్రం ‘జైలర్ 2’ (Jailer 2). సన్ పిక్చర్స్ (Sun Pictures) బ్యానర్‌పై కళానిధి మారన్ అత్యంత భారీ బడ్జెట్‌తో ఈ సినిమాను నిర్మిస్తున్నారు.

సూపర్ స్టార్ రజనీకాంత్ (Superstar Rajinikanth) హీరోగా, నెల్సన్ దిలీప్ కుమార్ (Nelson Dilipkumar) దర్శకత్వంలో వస్తోన్న మోస్ట్ అవేటెడ్ సీక్వెల్ చిత్రం ‘జైలర్ 2’ (Jailer 2). సన్ పిక్చర్స్ (Sun Pictures) బ్యానర్‌పై కళానిధి మారన్ అత్యంత భారీ బడ్జెట్‌తో ఈ సినిమాను నిర్మిస్తున్నారు. తాజాగా ఈ చిత్రం నుంచి మేకర్స్ తొలి పాటను విడుదల చేశారు. ‘జైలర్’ మొదటి భాగంలో తమన్నాపై వచ్చిన ‘కావాలావయ్యా’ సాంగ్ దేశవ్యాప్తంగా ఎలాంటి సంచలనాలు సృష్టించిందో ప్రత్యేకంగా చెప్పనవసరం లేదు. ఇప్పుడు అదే సెంటిమెంట్‌ను రిపీట్ చేస్తూ ‘జైలర్ 2’ నుంచి ‘అలా బోలేలో’ (Ala Bolelo) అంటూ సాగే హుషారైన స్పెషల్ సాంగ్ లిరికల్ వీడియోను మేకర్స్ రిలీజ్ చేశారు.

ఈ చిత్రంలో నటి పూర్ణ (Shamna Kasim) అదిరిపోయే స్టెప్పులతో ఈ స్పెషల్ సాంగ్‌లో మెరిశారు. ట్రెండీ బీట్స్‌తో కూడిన ఈ పాటకు రాక్ స్టార్ అనిరుధ్ రవిచందర్ (Anirudh Ravichander) తనూ స్వయంగా ఆలపించి, అదిరిపోయే సంగీతం అందించారు. తెలుగు వెర్షన్‌కు శ్రీనివాస మౌళి చక్కని సాహిత్యం అందించగా, జానీ మాస్టర్ కొరియోగ్రఫీ ఈ పాటను మరింత కలర్‌ఫుల్‌గా మార్చింది. సాంగ్ మధ్యలో రజనీకాంత్ స్టైలిష్ ఎంట్రీ, ఆయన గ్రేస్ ఫ్యాన్స్‌ను విపరీతంగా ఆకట్టుకుంటోంది. ఇదిలాఉంటే, ఈ సినిమాను దసరా కానుకగా అక్టోబర్ 15వ తేదీన ప్రపంచవ్యాప్తంగా థియేటర్లలో గ్రాండ్‌గా విడుదల చేసేందుకు సన్నాహాలు చేస్తున్నారు.