Saakini Daakini: శాకిని- ఢాకినిలుగా నివేదా రెజీనా… ఇంట్రెస్టింగ్‌గా మూవీ టైటిల్

వైవిధ్య‌మైన సినిమాలు చేస్తూ ప్రేక్ష‌కుల‌ని అల‌రిస్తున్న ద‌ర్శ‌కుడు సుధీర్ వ‌ర్మ‌(Sudheer Varma). ఆయ‌న ప్ర‌స్తుతం మూడు సినిమాల‌తో బిజీగా ఉన్నాడు. కొరియన్ సినిమా మిడ్ నైట్ రన్నర్స్ ఆధారంగా ఓ చిత్రం చేస్తుండ‌గా, ఈ సినిమాని సురేష్ బాబు, గురు ఫిలింస్ కాంబినేషన్ లో రూపొందిస్తున్నారు. రెజీనా(Regina), నివేదా(Nivetha Thomas) కాంబినేషన్ లో తయారైన ఈ సినిమాకు శాకిని డాకిని(Saakini Daakini) అనే టైటిల్ ఫిక్స్ చేశారు.

ఓ కిడ్నాప్ డ్రామా నేపథ్యంలో ఈ సినిమా సాగుతుంది. మాతృక అయిన కొరియన్ డ్రామాలో ఇద్దరు యువకులు లీడ్ రోల్స్ ప్లే చేశారు. అయితే ఈ తెలుగు రీమేక్ లో ఆ పాత్రలను అమ్మాయిలకు అన్వయిస్తూ దర్శకుడు ఉమెన్ సెంట్రిక్ మూవీగా దీనిని మార్చాడు. చిత్రానికి శాకిని డాకిని అనే వెరైటీ టైటిల్ పెట్ట‌డం ఆస‌క్తిని రేకెత్తిస్తుంది.

పోలీస్ ఆఫీసర్ ట్రైనీలుగా ఉండే ఇద్దరు అమ్మాయిలు ఊహించని విధంగా ఉమెన్ ట్రాఫికర్స్ గ్యాంగ్ తో తలపడాల్సి వస్తుంది. మానవ రవాణా ముఠా నుండీ తమని తాము ఎలా రక్షించుకున్నారు? మిగిలిన వారిని ఎలా రక్షించారన్నదే ఈ చిత్ర కథ. ఈ ఇద్దరు హీరోయిన్‌ల క్యారెక్టర్స్‌ చాలా డిఫరెంట్‌గా ఉంటాయని ఇండస్ట్రీలో టాక్‌ వినిపిస్తోంది. ఇదిలా ఉంటే ద‌ర్శ‌కుడు సుధీర్ వ‌ర్మ ఈ సినిమాతో పాటు నిఖిల్ హీరోగా లండన్ బేస్డ్ సినిమా చేస్తున్నారు. రవితేజ హీరోగా యాక్షన్ థ్రిల్లర్ ఒకటి ప్రకటించారు.