Sreeleela | మరో క్రేజీప్రాజెక్ట్‌లో శ్రీలీల.. ప్రభాస్‌తో జతకట్టనున్న అందాల భామ!

శ్రీలీల ఖాతాలో మరో క్రేజీప్రాజెక్ట్‌ చేరిందని తెలుస్తున్నది. అది కూడా మామూలు ప్రాజెక్ట్‌ కాదు. త్వరలో ఈ అందాల భామ ప్రభాస్‌తో జతకట్టనున్నట్టు విశ్వసనీయ సమాచారం. వివరాల్లోకెళ్తే.. హను రాఘవపూడి దర్శకత్వంలో ప్రభాస్‌ ఓ సినిమా చేయనున్నట్టు గతంలో వార్తలొచ్చాయి.

Sreeleela | శ్రీలీల ఖాతాలో మరో క్రేజీప్రాజెక్ట్‌ చేరిందని తెలుస్తున్నది. అది కూడా మామూలు ప్రాజెక్ట్‌ కాదు. త్వరలో ఈ అందాల భామ ప్రభాస్‌తో జతకట్టనున్నట్టు విశ్వసనీయ సమాచారం. వివరాల్లోకెళ్తే.. హను రాఘవపూడి దర్శకత్వంలో ప్రభాస్‌ ఓ సినిమా చేయనున్నట్టు గతంలో వార్తలొచ్చాయి. అయితే.. ప్రభాస్‌ పాన్‌ ఇండియా ప్రాజెక్టుల్లో బిజీగా ఉండటం చేత ఆ వార్త కనుమరుగైంది. నిజానిక్కూడా ‘సీతారామం’ తర్వాత హను రాఘవపూడితో సినిమా చేయాలని ప్రభాస్‌ నిర్ణయించుకున్నారు.

హను రాఘవపూడి కూడా అందుకు తగ్గ కథను సిద్ధం చేసుకునే పనిలో ఇన్నాళ్లూ నిమగ్నమయ్యాడు. అయితే ఇప్పుడు ఆ కథ ఓ కొలిక్కి రావటంతో హీరోయిన్‌ వేట మొదలుపెట్టాడంట హను రాఘవపూడి. ఇది ప్రేమకథ కావడంచేత, ప్రభాస్‌ ఇమేజ్‌కు తగ్గట్టు ఓ బాలీవుడ్‌ భామను ఇందులో కథానాయికగా నటింపజేయాలనుకున్నాడట హను రాఘవపూడి. అయితే.. చివరకు ఆ అవకాశం శ్రీలీలను వరించినట్టు తెలిసింది. శ్రీలీలతో నటించటానికి ప్రభాస్‌ కూడా అభ్యంతరం చెప్పకపోవడంతో, ఇటీవలే శ్రీలీలకు దర్శకుడు కథ వివరించాడట. తనకు కూడా కథ నచ్చడంతో ప్రాజెక్ట్‌ ఖరారైనట్టు సమాచారం.