Mega156 Director | హ్యాట్రిక్ ఫ్లాప్ల తర్వాత ‘వాల్తేరు వీరయ్య’తో గ్రాండ్ కంబ్యాక్ ఇచ్చాడు చిరు. సంక్రాంతి కానుకగా విడుదలైన ఈ సినిమా కోట్లు కొల్లగొట్టింది. రూ.250 కోట్లకు పైగా గ్రాస్ను కలెక్ట్ చేసి చిరుకు తిరుగులేని విజయాన్నిందించింది. ప్రస్తుతం చిరు మెహర్ రమేష్ దర్శకత్వంలో భోళా శంకర్ సినిమా చేస్తున్నాడు. ఈ సినిమా తమిళంలో సూపర్ హిట్టయిన వేదాళంకు రీమేక్గా తెరకెక్కనుంది. ఇప్పటికే రిలీజైన పోస్టర్లు, గ్లింప్స్ భారీ అంచనాలే క్రియేట్ చేశాయి. ఇక ఇదిలా ఉంటే తాజాగా చిరు తదుపరి సినిమాకు సంబంధించిన ఓ వార్త నెట్టింట తెగ వైరల్ అవుతుంది.
‘సోగ్గాడే చిన్ని నాయన’, ‘బంగార్రాజు’ వంటి సినిమాలతో అక్కినేని ఫ్యాన్స్కు మరిచిపోలేని హిట్లిచ్చిన కళ్యాణ్ కురసాల చిరు నెక్ట్స్ సినిమాకు దర్శకత్వం వహించబోతున్నట్లు తెలుస్తుంది. ఇప్పటికే కథా చర్చలు కూడా ముగిసాయని సమాచారం. అంతేకాకుండా ఈ సినిమాను గోల్డ్ బాక్స్ ఎంటర్టైనమెంట్స్ బ్యానర్పై మెగా డాటర్ సుష్మిత కొణిదెల నిర్మించనుందట. త్వరలోనే దీనిపై అధికార ప్రకటన రానున్నట్లు సమాచారం. ఇక ఇందులో నిజమెంతుందో తెలియాలంటే మేకర్స్ నుంచి అధికారిక ప్రకటన వచ్చే వరకు వేచి చూడాల్సిందే.