Ileana: ఇలియానా ఏంటి, ఇలాంటి నిర్ణ‌యం తీసుకుంటుంది?

దేవ‌దాసు అనే సినిమాతో హీరోయిన్‌గా ఎంట్రీ ఇచ్చి టాలీవుడ్‌లో టాప్ హీరోయిన్‌గా ఓ వెలుగు వెలిగిన అందాల ముద్దుగుమ్మ ఇలియానా. గ్లామ‌ర‌స్ హీరోయిన్‌గా పెరు తెచ్చుకున్న ఇలియానా పోకిరీ చిత్రంలో త‌న అంద‌చందాల‌తో ఎంతో మంది మ‌న‌సులు దోచుకుంది. ఇలియానా న‌డుము అందాల‌కు కుర్ర‌కారు మ‌తులు పోయాయి. అనురాగ్ బసు దర్శకత్వంలో రూపొందిన ‘బర్ఫీ’ అనే సినిమాతో బాలీవుడ్‌లోకి ఎంట్రీ ఇచ్చింది ఇలియానా. అక్కడ కూడా ఈ భామ నటనకు మంచి గుర్తింపు వచ్చింది.

ఒకప్పుడు స్టార్ హీరోయిన్‌గా సంవత్సరానికి మూడు, నాలుగు సినిమాలు చేసిన ఇలియానా ఇప్పుడు ఒక సినిమా అవ‌కాశం రావ‌డ‌మే క‌ష్టంగా మారింది. రీసెంట్‌గా బిగ్ బుల్ అనే చిత్రంతో ప‌ల‌క‌రించ‌గా, ఇందులో అభిషేక్‌తో క‌లిసి న‌టించింది. అయితే ఇటీవ‌లి కాలంలో ఈ అమ్మ‌డ‌కి ఆఫ‌ర్స్ రాక‌పోవ‌డంతో తొలిసారిగా లేడీ ఓరియంటెడ్ సినిమాలు చేసేందుకు రెడీ అవుతోందట. అందుకోసం మంచి స్క్రిప్ట్‌లు కోసం చూస్తోందట. ఈ క్రమంలోనే ఓ క్రైమ్ థ్రిలర్‌ కథ రాగా దానికి ఇలియానా ఓకే చెప్పినట్లు సమాచారం. త్వరలోనే దీనిపై అధికారిక ప్రకటన వచ్చే అవకాశం ఉంది.