Javed Akhtar | నరకానికి అయిన వెళ్తాను కానీ పాకిస్తాన్‌కు వెళ్ల‌ను : జావేద్ అక్తర్

బాలీవుడ్ ప్రముఖ గీత రచయిత, లిరిక్ రైట‌ర్ జావేద్ అక్తర్ తాజాగా పాకిస్తాన్‌పై తీవ్ర వ్యాఖ్యలు చేశారు. "ఒకవేళ నరకాన్ని లేదా పాకిస్తాన్‌ను ఎంచుకోవాల్సి వస్తే, నేను నరకానికే వెళ్లడానికి ఇష్టపడతాను" అని ఆయన అన్నారు.

Javed Akhtar | బాలీవుడ్ ప్రముఖ గీత రచయిత, లిరిక్ రైట‌ర్ జావేద్ అక్తర్ తాజాగా పాకిస్తాన్‌పై తీవ్ర వ్యాఖ్యలు చేశారు. “ఒకవేళ నరకాన్ని లేదా పాకిస్తాన్‌ను ఎంచుకోవాల్సి వస్తే, నేను నరకానికే వెళ్లడానికి ఇష్టపడతాను” అని ఆయన అన్నారు.

ముంబైలో జరిగిన ఒక పుస్తకావిష్కరణ కార్యక్రమంలో పాల్గొన్న సందర్భంగా జావేద్ అక్తర్ ఈ వ్యాఖ్యలు చేశారు. ఇటీవల భారత్ చేపట్టిన ‘ఆపరేషన్ సింధూర్’ నేపథ్యంలో ఇరు దేశాల మధ్య ఉద్రిక్తతలు పెరుగుతున్న సమయంలో ఆయన చేసిన ఈ వ్యాఖ్యలు ప్రాధాన్యత సంతరించుకున్నాయి.

తనకు ఇరువైపుల (భారత్ మరియు పాకిస్తాన్) నుండి ప్రశంసలు, తిట్లు వస్తుంటాయని ఆయన పేర్కొన్నారు. “కొందరు నన్ను ‘కాఫిర్’ అని తిట్టి నరకానికి వెళ్తావని అంటారు, మరికొందరు ‘జిహాదీ’ అని పిలిచి పాకిస్తాన్‌కు వెళ్లమని చెబుతారు. ఒకవేళ ఈ రెండింటినే ఎంచుకోవాల్సి వస్తే, నేను నరకానికే వెళ్లడానికి ఇష్టపడతాను” అని ఆయన వ్యంగ్యంగా అన్నారు.

జావేద్ అక్తర్ గతంలో కూడా పాకిస్తాన్‌పై పలు సందర్భాల్లో విమర్శలు చేశారు. ముఖ్యంగా 26/11 ముంబై దాడుల విషయంలో ఆయన పాకిస్తాన్‌ను నిలదీశారు. అంతేకాకుండా, కశ్మీర్‌ను పాకిస్తాన్ తమ సొంతం అని చెప్పుకోవడం అబద్ధమని ఆయన స్పష్టం చేశారు. కశ్మీరీలు భారతీయులని, వారిలో 99 శాతం మంది భారతదేశానికి విధేయులుగా ఉన్నారని ఆయన తేల్చి చెప్పారు. జావేద్ అక్తర్ చేసిన ఈ తాజా వ్యాఖ్యలు సోషల్ మీడియాలో వైరల్ అవుతున్నాయి. కొందరు ఆయన వ్యాఖ్యలను సమర్థిస్తుంటే, మరికొందరు విమర్శిస్తున్నారు. అయితే, జావేద్ అక్తర్ తన మనసులోని మాటను నిర్భయంగా చెప్పడానికి ఎప్పుడూ వెనుకాడరని పలువురు అభిప్రాయపడుతున్నారు.