ప‌రువు న‌ష్టం కేసులో న‌టి కంగ‌నాకు చుక్కెదురు

ముంబై : బాలీవుడ్ న‌టి కంగ‌నా ర‌నౌత్‌కు ముంబై హైకోర్టులో చుక్కెదురైంది. గేయ ర‌చ‌యిత జావెద్ అక్త‌ర్ వేసిన ప‌రువు న‌ష్టం కేసులో పిటిష‌న్‌ను కొట్టి వేయాల‌ని కంగ‌నా కోరినా.. ఆమె అభ్య‌ర్థ‌న‌ను కోర్టు తిర‌స్క‌రించింది. హైకోర్టు జ‌డ్జి జ‌స్టిస్ రేవ‌తి మోహితే దేరే ఈ కేసులో విచార‌ణ చేప‌ట్టారు. సెప్టెంబ‌ర్ ఒక‌టిన త‌న ఆదేశాల‌ను రిజ‌ర్వ్‌లో ఉంచారు. అయితే ఆ కేసులో కంగ‌నా పిటిష‌న్‌ను డిస్మిస్ చేస్తున్న‌ట్లు ఇవాళ జ‌స్టిస్ రేవ‌తి తెలిపారు. అంధేరి మెట్రోపాలిట‌న్ మెజిస్ట్రేట్ కోర్టు కంగ‌నాపై ప‌రువు న‌ష్టం కేసు విచార‌ణ మొద‌లుపెట్టింది. ఆ కేసును కంగ‌నా స‌వాల్ చేసింది. ఆమె త‌ర‌పు రిజ్వాన్ సిద్ధికీ వాదించారు. న‌టుడు సుశాంత్ సింగ్ రాజ్‌పుత్ మృతిపై ఓ ఇంట‌ర్వ్యూలో మాట్లాడుతూ.. జావెద్ అక్త‌ర్‌పై న‌టి కంగ‌నా అనుచిత వ్యాఖ్య‌లు చేశారు. ఆ ఘ‌ట‌న‌లో జావెద్ అక్త‌ర్ .. క్రిమిన‌ల్ ఫిర్యాదు చేశారు. ఇదే కేసులో విచార‌ణ ప్రారంభించిన జూహూ పోలీసులు ఫిబ్ర‌వ‌రిలో ఆమెకు స‌మ‌న్లు జారీ చేశారు.