నాకు చాలా ఇష్టమైన కథ

“బుట్టబొమ్మ’ చిత్రంలో నేను నటించాల్సి ఉంది. డేట్స్‌ సమస్య వల్ల కుదరలేదు. నాకు చాలా ఇష్టమైన కథ ఇది. ప్రతి ఒక్కరి హృదయాల్ని హత్తుకుంటుంది. నిర్మాత వంశీగారితో నేను చేయబోయే సినిమాను త్వరలో ప్రకటిస్తాం’ అన్నారు యువ హీరో విశ్వక్‌సేన్‌.

“బుట్టబొమ్మ’ చిత్రంలో నేను నటించాల్సి ఉంది. డేట్స్‌ సమస్య వల్ల కుదరలేదు. నాకు చాలా ఇష్టమైన కథ ఇది. ప్రతి ఒక్కరి హృదయాల్ని హత్తుకుంటుంది. నిర్మాత వంశీగారితో నేను చేయబోయే సినిమాను త్వరలో ప్రకటిస్తాం’ అన్నారు యువ హీరో విశ్వక్‌సేన్‌. శనివారం ‘బుట్టబొమ్మ’ ట్రైలర్‌ను ఆయన విడుదల చేశారు. అనిఖా సురేంద్రన్‌, సూర్యవశిష్ట, అర్జున్‌దాస్‌ ప్రధాన పాత్రల్లో నటించిన ఈ చిత్రం ద్వారా శౌరి చంద్రశేఖర్‌ రమేష్‌ దర్శకుడిగా పరిచయమవుతున్నాడు.

సూర్యదేవర నాగవంశీ, సాయిసౌజన్య నిర్మాతలు. ఫిబ్రవరి 4న విడుదలకానుంది. నిర్మాత నాగవంశీ మాట్లాడుతూ ‘పల్లెటూరి నేపథ్యంలో జరిగే ప్రేమకథ ఇది. అనూహ్యమైన మలుపులతో థ్రిల్‌ను పంచుతుంది. హృదయాన్ని తడిమే భావోద్వేగాలుంటాయి. విశ్వక్‌సేన్‌తో మా సంస్థ ఓ సినిమా చేయబోతున్నది. అందులో ఆయన విశ్వరూపం చూస్తారు’ అన్నారు. కథానాయికగా తనకిది తొలి చిత్రమని, సితార ఎంటర్‌టైన్‌మెంట్స్‌ వంటి పెద్ద సంస్థలో పనిచేయడం ఆనందంగా ఉందని అనిఖా సురేంద్రన్‌ పేర్కొంది. సూర్యవశిష్ట మాట్లాడుతూ ‘ప్రేమకథతో పాటు సస్పెన్స్‌ ఎలిమెంట్స్‌ థ్రిల్‌ను పంచుతాయి. నా కెరీర్‌లో గొప్ప చిత్రంగా మిగిలిపోతుందనే నమ్మకం ఉంది’ అని చెప్పారు.