Visit:
Maaveeran | తెలుగులో కూడా సూపర్ ఫ్యాన్ బేస్ ఉన్న కోలీవుడ్ స్టార్ యాక్టర్లలో ఒకరు శివకార్తికేయన్ (Sivakarthikeyan). ఈ మల్టీ టాలెంటెడ్ యాక్టర్ టైటిల్ రోల్లో నటించిన చిత్రం మావీరన్. మడొన్నే అశ్విన్ (Madonne Ashwin) దర్శకత్వం వహించిన ఈ మూవీ తెలుగులో మహావీరుడు (Mahaveerudu) టైటిల్తో విడుదలైంది. ఈ చిత్రంలో స్టార్ డైరెక్టర్ శంకర్ కూతురు అదితి శంకర్ (Aditi Shankar) హీరోయిన్గా నటించింది. సునీల్ కీలక పాత్రలో నటించాడు.
ఈ చిత్రాన్ని శాంతి టాకీస్ బ్యానర్పై అరుణ్ విశ్వ నిర్మించగా.. భరత్ శంకర్ సంగీతం అందించాడు. థియేటర్లలో విడుదలైన ఈ చిత్రానికి మిక్స్డ్ టాక్ రాగా.. ఓటీటీలోకి ఎంట్రీ ఇచ్చిన తర్వాత ప్రేక్షకుల నుంచి అద్భుతమైన స్పందన వచ్చింది. కాగా ఈ సినిమాకు సీక్వెల్ ఉండబోతుందా.. అన్న దానిపై నిర్మాత అరుణ్ విశ్వ క్లారిటీ ఇచ్చాడు.
మావీరన్ సినిమాను మూడుసార్లు చూశాను. అద్భుతమైన సినిమా, కాన్సెప్ట్. దురదృష్టవశాత్తు మనం సీక్వెల్ను చూడలేం.. అంటూ ఇన్స్టాగ్రామ్లో ఓ యూజర్ కామెంట్ పోస్ట్ చేశాడు. దీనికి నిర్మాత అరుణ్ విశ్వ స్పందిస్తూ.. మీకు ఎవరు చెప్పారు..? అని రిప్లై ఇచ్చాడు. అంటే సీక్వెల్ ఉండదని మీకెవరు చెప్పారని పరోక్షంగా చెప్పడంతో.. రెండో పార్టు రావడం ఖాయమని క్లారిటీ వచ్చేసినట్టైంది.
విక్రమ్తో అరుణ్ విశ్వ చేయనున్న సినిమా ఆలస్యం కానుంది. ఈ సమయాన్ని మావీరన్ సీక్వెల్ కోసం వినియోగించుకోబోతున్నాడట. తాజా టాక్ ప్రకారం మావీరన్ పార్ట్ 2 స్క్రిప్ట్ దశలో ఉంది. రాబోయే రోజుల్లో మరిన్ని వివరాలపై క్లారిటీ ఇవ్వనున్నారు మేకర్స్.
Rashmika | ‘మైసా’ కోసం రష్మిక కష్టాలు .. కాళ్లకు టేప్ వేసుకొని మరి..!
CM Vijay | త్వరలో మహిళలకు నెలకు రూ.1,000.. వెల్లడించిన తమిళనాడు సీఎం విజయ్
