Hari Hara Veera Mallu | ‘హరి హర వీర మల్లు’ ట్రైలర్ వ‌చ్చేది అప్పుడేనా!

Hari Hara Veera Mallu Trailer | టాలీవుడ్ పవర్ స్టార్ పవన్ కళ్యాణ్ అభిమానులు ఎంతో ఆసక్తిగా ఎదురుచూస్తున్న పాన్-ఇండియన్ చిత్రం 'హరి హర వీర మల్లు: పార్ట్ 1-స్వోర్డ్ వర్సెస్ స్పిరిట్' పై భారీ అంచనాలు నెలకొన్న విష‌యం తెలిసిందే.

Hari Hara Veera Mallu Trailer | టాలీవుడ్ పవర్ స్టార్ పవన్ కళ్యాణ్ అభిమానులు ఎంతో ఆసక్తిగా ఎదురుచూస్తున్న పాన్-ఇండియన్ చిత్రం ‘హరి హర వీర మల్లు: పార్ట్ 1-స్వోర్డ్ వర్సెస్ స్పిరిట్’ పై భారీ అంచనాలు నెలకొన్న విష‌యం తెలిసిందే. జూలై 24, 2025న వ‌ర‌ల్డ్ వైడ్‌గా ఈ సినిమా ప్రేక్ష‌కుల ముందుకు రాబోతుంది. ఈ సంద‌ర్భంగా మూవీ నుంచి మేక‌ర్స్ ట్రైల‌ర్ విడుద‌ల చేసేందుకు ప్లాన్ చేస్తున్న‌ట్లు తెలుస్తుంది. తాజాగా సమాచారం ప్రకారం, ఈ సినిమా ట్రైలర్‌ను జూలై 3న విడుదల చేయడానికి మేకర్స్ ప్లాన్ చేస్తున్నారు. కాగా దీనిపై చిత్ర‌యూనిట్ నుంచి అధికారిక ప్ర‌క‌ట‌న రావాల్సి ఉంది.

17వ శతాబ్దపు మొఘల్ సామ్రాజ్యం నేపథ్యంలో తెరకెక్కిన ఈ హై-బడ్జెట్ పీరియడ్ యాక్షన్ డ్రామాలో పవన్ కళ్యాణ్ వీరమల్లు పాత్రలో కనిపించనున్నారు. ఈ చిత్రంలో నిధి అగర్వాల్ కథానాయికగా నటిస్తుండగా, బాబీ డియోల్, నాజర్, నార్గిస్ ఫఖ్రీ, అనుపమ్ ఖేర్, సుబ్బరాజు, సునీల్, విక్రమ్‌జీత్ విర్క్, నోరా ఫతేహి తదితరులు కీలక పాత్రల్లో కనిపించనున్నారు. ఈ సినిమాకు జ్యోతి కృష్ణతో పాటు క్రిష్ జగర్లముడి దర్శకత్వం వహించారు. ఎ. దయాకర్ రావు నిర్మిస్తున్న ఈ చిత్రానికి ఎం.ఎం. కీరవాణి సంగీతం అందించగా, మనోజ్ పరమహంస సినిమాటోగ్రఫీ, తోట తరణి ప్రొడక్షన్ డిజైనర్‌గా వ్యవహరించారు. ఎ.ఎం. రత్నం ఈ చిత్రాన్ని సమర్పిస్తున్నారు.