Hari Hara Veera Mallu | మార్చిలో వీరమల్లు ఆగమనం.. తెరకెక్కుతున్న పోరాట ఘట్టాలు

రాజకీయాల్లో బిజీ అయిన తర్వాత సినిమాలకు కాస్త బ్రేక్‌ నిచ్చారు అగ్ర కథానాయకుడు పవన్‌కల్యాణ్‌. ఏపీ ఉపముఖ్యమంత్రిగా పాలనాపరమైన వ్యవహారాల్లో తీరికలేకుండా ఉండటం వల్ల ఆయన సినిమాల షూటింగ్స్‌ అన్నీ నిలిచిపోయాయి. అయితే పవన్‌కల్యాణ్‌ అభిమానులకు ఓ శుభవార్తను అందించింది ‘హరిహరవీరమల్లు’ చిత్ర బృందం.

Hari Hara Veera Mallu | రాజకీయాల్లో బిజీ అయిన తర్వాత సినిమాలకు కాస్త బ్రేక్‌ నిచ్చారు అగ్ర కథానాయకుడు పవన్‌కల్యాణ్‌. ఏపీ ఉపముఖ్యమంత్రిగా పాలనాపరమైన వ్యవహారాల్లో తీరికలేకుండా ఉండటం వల్ల ఆయన సినిమాల షూటింగ్స్‌ అన్నీ నిలిచిపోయాయి. అయితే పవన్‌కల్యాణ్‌ అభిమానులకు ఓ శుభవార్తను అందించింది ‘హరిహరవీరమల్లు’ చిత్ర బృందం. సోమవారం ఈ సినిమా షూటింగ్‌ను విజయవాడలో పునఃప్రారంభించినట్లు పేర్కొంది. ఇందులో పవన్‌కల్యాణ్‌తో పాటు చిత్ర తారాగణమంతా పాల్గొన్నారు. ఈ షెడ్యూల్‌లో హాలీవుడ్‌ యాక్షన్‌ దర్శకుడు నిక్‌పావెల్‌ పర్యవేక్షణలో భారీ యుద్ధ సన్నివేశాలను చిత్రీకరించబోతున్నారు.

కళా దర్శకుడు తోట తరణి నేతృత్వంలో ఓ భారీ సెట్‌ను తీర్చిదిద్దారు. 400 మంది ఫైటర్లు, జూనియర్‌ ఆర్టిస్టులతో పోరాట ఘట్టాలను తెరకెక్కిస్తున్నారు. మొఘల్‌ సామ్రాజ్య నేపథ్య ఇతివృత్తంతో తెరకెక్కుతున్న ఈ చిత్రంలో పవన్‌కల్యాణ్‌ చారిత్రక యోధుడి పాత్రలో కనిపించనున్నారు. నిధి అగర్వాల్‌ కథానాయిక. ‘హరిహర వీరమల్లు పార్ట్‌-1స్వార్డ్‌ వర్సెస్‌ స్పిరిట్‌’ను వచ్చే ఏడాది మార్చి 28న ప్రపంచవ్యాప్తంగా విడుదల చేయబోతున్నట్లు మేకర్స్‌ తెలిపారు. బాబీ డియోల్‌, అనుపమ్‌ఖేర్‌, నాజర్‌, రఘుబాబు తదితరులు నటిస్తున్న ఈ చిత్రానికి సంగీతం: ఎం.ఎం.కీరవాణి, నిర్మాణ సంస్థ: మెగా సూర్య ప్రొడక్షన్స్‌, నిర్మాత: ఏ.దయాకర్‌ రావు, సమర్పణ: ఏం.ఎం.రత్నం, దర్శకత్వం: జ్యోతికృష్ణ.