Oh My God Movie | సంచలనాలు సృష్టిస్తున్న హర హర మహాదేవ్‌ సాంగ్‌

Har Har Mahadev Song | ఓ మై గాడ్-2 మూవీ నుంచి రిలీజైన హర హర మహాదేవ్‌ సాంగ్‌ యూట్యూబ్‌లో సరికొత్త సంచలనాలు సృష్టిస్తుంది. రెండు రోజుల క్రితం విడుదలైన ఈ పాట ఇప్పటికే రెండు కోట్లకు పైగా వ్యూస్‌ను రాబట్టింది. రెండు రోజులుగా ఏ మ్యూజిక్‌ ప్లాట్‌ఫార్మ్‌ చూసుకున్న ఇదే ట్రెండింగ్‌లో ఉంది.

Har Har Mahadev Song | తొమ్మిదేళ్ల క్రితం బాలీవుడ్‌లో విడుదలైన ఓ మై గాడ్ ఎంత పెద్ద సంచలనం సృష్టించిందో ప్రత్యేకించి చెప్పనవసరం లేదు. ఉమేష్ శుక్ల దర్శకత్వం వహించిన ఈ సినిమా అప్పట్లో నెలకొల్పిన రికార్డుల అంతా ఇంతా కాదు. అప్పట్లోనే ఈ సినిమా రెండొందల కోట్లు కలెక్షన్‌లు సాధించింది. ఇదే సినిమాను తెలుగులో వెంకటేష్, పవన్ కళ్యాణ్ గోపాల గోపాలగా రీమేక్ చేశారు. ఇక్కడ కూడా ఈ సినిమా ఘన విజయం సాధించింది. ఇక ఇప్పుడు ఓమై గాడ్‌కు సీక్వెల్ తెరకెక్కుతుంది. ఓ మై గాడ్-2 పేరుతో తెరకెక్కుతున్న ఈ సినిమాకు అమిత్‌ రాయ్‌ దర్శకత్వం వహిస్తున్నాడు. ఇప్పటిక రిలీజైన పోస్టర్‌లు,టీజర్‌ వీర లెవల్లో అంచనాలు క్రియేట్‌ చేస్తున్నాయి.

కాగా ఈ సినిమా నుంచి రిలీజైన హర హర మహాదేవ్‌ సాంగ్‌ యూట్యూబ్‌లో సరికొత్త సంచలనాలు సృష్టిస్తుంది. రెండు రోజుల క్రితం విడుదలైన ఈ పాట ఇప్పటికే రెండు కోట్లకు పైగా వ్యూస్‌ను రాబట్టింది. రెండు రోజులుగా ఏ మ్యూజిక్‌ ప్లాట్‌ఫార్మ్‌ చూసుకున్న ఇదే ట్రెండింగ్‌లో ఉంది. విక్రమ్‌ మాన్‌ట్రోస్‌ స్వర పరిచి, ఆలపించిన ఈ పాటకు శేఖర్‌ అతిత్వ లిరిక్స్‌ అందించాడు. హర హర మహదేవ్‌ అంటూ మిక్స్‌ రాప్‌తో చెవుల్లో మార్మొగిపోతుంది. ముఖ్యంగా ఈ పాట వీడియో సాంగ్‌ చాలా రియలిస్టిక్‌గా తీశారు. యూట్యూబ్‌లో టాప్‌ ట్రెండింగ్‌ అవుతున్న ఈ పాటను మీరు ఓ లుక్కేయండి.

వాకావ్ ఫిలింస్ బ్యానర్‌పై రూపొందుతున్న ఈ సినిమాలో పంకజ్‌ త్రిపాఠి, యామి గౌతమ్ కీలక పాత్రల్లో కనిపించనున్నారు. ఇక ఆగస్టు 11న ఈ సినిమా గ్రాండ్‌గా రిలీజ్‌ కాబోతుంది.