Visit:
యువ హీరో తేజ సజ్జా కథానాయకుడిగా, ప్రశాంత్వర్మ దర్శకత్వంలో కె.నిరంజన్రెడ్డి నిర్మించిన ‘హను-మాన్’ చిత్రం పానిండియా స్థాయిలో సాధించిన విజయం గురించి ప్రత్యేకంగా చెప్పాల్సిన పనిలేదు. 2024లో విడుదలై దేశవ్యాప్తంగా రికార్డ్ బ్రేకింగ్ కలెక్షన్లను రాబట్టిన ఈ చిత్రాన్ని ఈ నెల 25న 3డీ ఫార్మాట్లో గ్రాండ్గా విడుదల చేస్తున్నారు.
ఈ సందర్భంగా ఆదివారం హైదరాబాద్లో నిర్వహించిన ఈవెంట్కి హీరో సాయిదుర్గతేజ్ అతిథిగా విచ్చేసి, చిత్రబృందానికి శుభాకాంక్షలు అందించారు. ఎంతో పుణ్యం చేసుకుంటే తప్ప ఇలాంటి సినిమా దొరకదని, ఇలాంటి సినిమాలో నటించే అవకాశం రావడమే అదృష్టమని హీరో తేజ సజ్జా అన్నారు. ఇంకా నిర్మాతలు నిరంజన్రెడ్డి, చైతన్యరెడ్డి, హీరోయిన్ అమృత అయ్యర్, సంగీత దర్శకుడు గౌర హర, 3డీ కిరణ్ కూడా మాట్లాడారు.
