సింగిల్‌ షాట్‌ మూవీ

గ్లామర్‌ కథానాయికగా యువతరంలో మంచి ఫాలోయింగ్‌ సంపాదించుకుంది హన్సిక. ప్రస్తుతం ఈ ముద్దుగుమ్మ ‘105 మినిట్స్‌’ పేరుతో ఇన్నోవేటివ్‌ కాన్సెప్ట్‌ ఓరియెంటెడ్‌ చిత్రంలో నటిస్తోంది. ఇందులో ఆమె ఏకపాత్రాభినయంలో కనిపించనుంది. రుద్రాన్ష్‌ సెల్యూలాయిడ్‌ పతాకంపై రాజు దుస్సా దర్శకత్వంలో బొమ్మక్‌ శివ నిర్మిస్తున్నారు. ‘ఒకే ఒక్క పాత్రతో ఎలాంటి ఎడిటింగ్‌ లేకుండా సింగిల్‌ షాట్‌తో సాగిపోయే ఉత్కంఠభరిత చిత్రమిది. సింగిల్‌షాట్‌, సింగిల్‌ క్యారెక్టర్‌ ఈ సినిమాలో ప్రధానాకర్షణగా నిలుస్తాయి. హన్సిక పాత్ర చిత్రణ భిన్న పార్శాల్లో సాగుతుంది’ అని దర్శకుడు తెలిపారు. తన కెరీర్‌లో పూర్తి భిన్నమైన చిత్రమిదని, నటిగా సవాలుగా స్వీకరించానని హన్సిక ఆనందం వ్యక్తం చేసింది. చక్కటి నిర్మాణ విలువలతో వాణిజ్య అంశాల కలబోతగా ఈ సినిమాను తెరకెక్కిస్తున్నామని నిర్మాత బొమ్మక్‌ శివ తెలిపారు.