Irumudi | ‘ఇరుముడి’ విషయంలో మ్యాజిక్‌ జరిగింది.. ఇలాంటి సినిమాకు సంగీతాన్నందించడం పెద్ద సవాలు

‘మ్యూజిక్‌ కంపోజింగ్‌ విషయంలో నేను సినిమా కథకు చాలా ప్రాధాన్యతనిస్తా. కథ మొత్తం విన్న తర్వాత దానికి ఎలాంటి సంగీత ప్రపంచాన్ని సృష్టించాలనేది ఆలోచిస్తాను. ‘ఇరుముడి’ కథలో భక్తి, సైకాలజీ, క్రైమ్‌, ఫ్యామిలీ సెంటిమెంట్‌..ఇలా అన్ని అంశాలున్నాయి.

‘మ్యూజిక్‌ కంపోజింగ్‌ విషయంలో నేను సినిమా కథకు చాలా ప్రాధాన్యతనిస్తా. కథ మొత్తం విన్న తర్వాత దానికి ఎలాంటి సంగీత ప్రపంచాన్ని సృష్టించాలనేది ఆలోచిస్తాను. ‘ఇరుముడి’ కథలో భక్తి, సైకాలజీ, క్రైమ్‌, ఫ్యామిలీ సెంటిమెంట్‌..ఇలా అన్ని అంశాలున్నాయి.

ఇలాంటి సినిమాకు సంగీతాన్నందించడం పెద్ద సవాలు’ అన్నారు ప్రముఖ మ్యూజిక్‌ డైరెక్టర్‌ జీవీ ప్రకాష్‌కుమార్‌. ఆయన స్వరాల్ని అందించిన తాజా చిత్రం ‘ఇరుముడి’ ఈ నెల 21న ప్రేక్షకుల ముందుకురానుంది. రవితేజ హీరోగా శివ నిర్వాణ దర్శకత్వంలో మైత్రీ మూవీ మేకర్స్‌ ఈ చిత్రాన్ని నిర్మించింది. బుధవారం జీవీ ప్రకాష్‌కుమార్‌ విలేకరులతో సినిమా సంగీత విశేషాలను పంచుకున్నారు.

• ‘ఇరుముడి’ ఇంటెన్స్‌ థ్రిల్లర్‌. దర్శకుడు శివ నిర్వాణ కథ చెబుతున్నప్పుడే అందులో లీనమైపోయాను. ఈ కథలోని మలుపులు ఎవరూ ఊహించలేరు. ప్రేక్షకుల ఆదరణతో పాటు ఈ సినిమాకు నేషనల్‌ అవార్డ్స్‌ వస్తాయని భావిస్తున్నా.
• ఈ సినిమాలో ప్రతీది సైకాలజీ కోణంలో ఉంటుంది. అందుకే మ్యూజిక్‌ విషయంలో కూడా నేను సైకలాజికల్‌ థింకింగ్‌ను అనుసరించాను. రెండు, మూడు లేయర్స్‌లో మ్యూజిక్‌ని క్రియేట్‌ చేసే ప్రయత్నం చేశా. వాస్తవానికి ఈ పద్దతిలో మ్యూజిక్‌ చేయడం చాలా కష్టమైన పని. కానీ ‘ఇరుముడి’ విషయంలో ఆ మ్యాజిక్‌ జరిగింది.
• ఈ సినిమాలో పాటలన్నీ సూపర్‌హిట్‌ అయ్యాయి. ‘మల్లెపూల పల్లకి’ అద్భుతమైన భక్తి పాట. దీనికి చాలా మంది అభిమానులున్నారు. అందుకే ఈ పాట విషయంలో ప్రత్యేకశ్రద్ధ తీసుకున్నా. ఒరిజినల్‌ సింగర్‌తోనే పాడించాను. ఇప్పుడీ పాట ఇండియాలోనే టాప్‌ ట్రెండింగ్‌లో ఉంది. నాకు వ్యక్తిగతంగా మాత్రం ‘యాలాలో’ పాట చాలా ఇష్టం. ఎందుకంటే ఇది ‘ఇరుముడి’కి ఆత్మలాంటి పాట.
• ‘విక్రమార్కుడు’ తర్వాత రవితేజ సినిమాల్లో నా ఫేవరేట్‌ ‘ఇరుముడి’. ఈ కథలోని భావోద్వేగాలు ప్రతీ ఒక్కరిని కదిలిస్తాయి. తెలుగు సినిమాలో ఇదో ట్రెండ్‌సెట్టర్‌ అవుతుందనే నమ్మకం ఉంది. ఇక నా వ్యక్తిగత విషయానికొస్తే..నటుడిగా, స్వరకర్తగా కెరీర్‌ను బ్యాలెన్స్‌ చేసుకుంటున్నా. నెలలో 15 రోజులు షూటింగ్‌, మరో 15 రోజులు కంపోజింగ్‌లో ఉంటాను. వర్క్‌ షెడ్యూల్‌ విషయంలో క్రమశిక్షణ పాటిస్తా.
• ఈ సినిమా పాటలు ట్రెండింగ్‌లో ఉన్నాయి. మ్యూజిక్‌ విషయంలో రవితేజ చాలా హ్యాపీగా ఉన్నారు. ైక్లెమాక్స్‌లో చేసిన పాట ఆయనకు బాగా నచ్చింది. అయితే అది ఇంకా రిలీజ్‌ కాలేదు. థియేటర్‌లో ఆ పాట చూసి చాలా ఎమోషనల్‌గా ఫీలవుతారు. కమర్షియల్‌గా కూడా ‘ఇరుముడి’ భారీ విజయం సాధిస్తుందనే నమ్మకం ఉంది
• కెరీర్‌ ఆరంభం నుంచి తెలుగు సినిమాలంటే ప్రత్యేక అభిమానం. కానీ ఎందుకనో ఇక్కడి మ్యూజిక్‌ జర్నీ అనుకున్నట్లుగా సాగలేదు. ‘సార్‌’ ‘లక్కీ భాస్కర్‌’ తర్వాత తెలుగులో సినిమా అవకాశాలు బాగా పెరిగాయి. ఈ విషయంలో చాలా ఆనందంగా ఉన్నా. ప్రస్తుతం అనిల్‌ రావిపూడి మల్టీస్టారర్‌ సినిమాతో పాటు దుల్కర్‌ సల్మాన్‌ ‘ఆకాశంలో ఒక తార’ ‘శ్రీశ్రీ’ చిత్రాల సంగీతాన్నందిస్తున్నా. నటుడిగా ‘ఇమ్మోర్టల్‌’ సినిమా చేస్తున్నా. ఇది తమిళ, తెలుగు భాషల్లో సెప్టెంబర్‌ 4న విడుదలవుతున్నది.