మోత మోగడం ఖాయం

విభిన్నమైన కథలను ఎంచుకుంటూ దూసుకుపోతున్న నటుడు విశ్వక్‌సేన్‌. ఆయన కథానాయకుడిగా రూపొందుతోన్న చిత్రం ‘గ్యాంగ్‌ ఆఫ్‌ గోదావరి’. ఇందులో విశ్వక్‌ గ్యాంగ్‌స్టర్‌గా కనిపించనున్నారు.

విభిన్నమైన కథలను ఎంచుకుంటూ దూసుకుపోతున్న నటుడు విశ్వక్‌సేన్‌. ఆయన కథానాయకుడిగా రూపొందుతోన్న చిత్రం ‘గ్యాంగ్‌ ఆఫ్‌ గోదావరి’. ఇందులో విశ్వక్‌ గ్యాంగ్‌స్టర్‌గా కనిపించనున్నారు. కృష్ణచైతన్య రచన, దర్శకత్వం వహిస్తున్న ఈ చిత్రానికి సూర్యదేవర నాగవంశీ, సాయిసౌజన్య నిర్మాతలు. మే 17న సినిమా విడుదల కానుంది.

ప్రమోషన్‌లో భాగంగా ఈ సినిమాలోని ‘మోత..’ అంటూ సాగే గీతాన్ని మేకర్స్‌ విడుదల చేశారు. చంద్రబోస్‌ రాసిన ఈ గీతాన్ని యువన్‌శంకర్‌రాజా స్వరపరచగా, ఎం.ఎం.మానసి ఆలపించారు. హోలీ పర్వదినాన ఈ పాటను విడుదల చేస్తుండటం పట్ల చిత్ర యూనిట్‌ ఆనందం వెలిబుచ్చింది. అందాల తార అయేషాఖాన్‌, విశ్వక్‌సేన్‌ తెరను పంచుకున్న ఈ పాట సినిమాకు ప్రధాన ఆకర్షణ అని మేకర్స్‌ చెబుతున్నారు.

నేహాశెట్టి కథానాయికగా నటిస్తున్న ఈ చిత్రంలో అంజలి కీలక పాత్ర పోషిస్తున్నది. సితార ఎంటర్‌టైన్‌మెంట్స్‌, ఫార్చ్యూన్‌ఫోర్‌ సినిమాస్‌ పతాకాలపై తెరకెక్కుతున్న ఈ చిత్రానికి సహనిర్మాతలు వెంకట్‌ ఉప్పుటూరి, గోపీచంద్‌ ఇన్నమూరి సహనిర్మాతలు. కెమెరా: అనిత్‌ మంధాడి, సమర్పణ: శ్రీకర్‌ స్టూడియోస్‌.