Gal Gadot: వండ‌ర్ వు-మామ్‌.. హీరోయిన్ గాల్ గాడ‌ట్‌పై అభిమానుల ప్ర‌శంస‌లు

August 19, 2021 / 01:05 PM IST

న్యూఢిల్లీ: హాలీవుడ్ హీరోయిన్ గాల్ గాడ‌ట్ ( Gal Gadot ).. వండ‌ర్ వుమ‌న్ ఫిల్మ్‌లో త‌న న‌ట‌న‌తో అంద‌ర్నీ స్ట‌న్ చేసిన విష‌యం తెలిసిందే. ఇక ఇప్పుడు త‌న మాతృ ప్రేమ‌ను ప్ర‌ద‌ర్శిస్తూ.. అభిమానుల గుండెల్ని గెలిచేసింది ఆ స్టార్‌. వండ‌ర్ వు-మామ్‌, సూప‌ర్‌మామ్ అంటూ ఆమె ఫ్యాన్స్ సోష‌ల్ మీడియాతో ఆ హీరోయిన్‌పై ప్ర‌శంస‌లు కురిపిస్తున్నారు. షూటింగ్ కోసం ప్రిపేర‌వుతున్న స‌మ‌యంలో.. గాల్ గాడ‌ట్ ఇటీవ‌ల పుట్టిన త‌న మూడ‌వ కూతురికి బ్రెస్ట్ మిల్క్ ఇచ్చేందుకు చ‌నుబాల‌ను పంప్ చేసింది. ఆ సంఘ‌ట‌న‌కు సంబంధించిన ఫోటోను ఆమె త‌న ఇన్‌స్టాలో పోస్టు చేసింది. మేక‌ప్ వేసుకుంటున్న స‌మ‌యంలో ఓ బాటిల్‌లో చ‌నుబాల‌ను పంప్ చేసింది. స‌మ‌యాన్ని వృధా చేయ‌కుండా.. త‌న కూతురి కోసం ముందే బాటిల్‌లోకి బ్రెస్ట్ మిల్క్‌ను పంప్ చేయ‌డం అంద‌ర్నీ అట్రాక్ట్ చేసింది. తెరవెనుక‌ ఓ త‌ల్లిలా అంటూ త‌న ఫోటోకు ఆమె చేసిన కామెంట్ అభిమానుల్ని ఆలోచింప చేసింది. ఆ ఫోటోకు లైక్‌లు, ప్ర‌శంస‌లు వెల్లువెత్తాయి. ఇజ్రాయిలీ న‌టులంతా హార్ట్ ఐకాన్‌ల‌తో గాల్‌ను మెచ్చుకున్నారు. సూప‌ర్‌మామ్‌, గ్రేట్ మామ్ అంటూ అభిమానులు పొగిడేశారు. ఇక ఓ యూజ‌ర్ అయితే.. వండ‌ర్ వూ-మామ్ అంటూ కామెంట్ చేశాడు. 2008లో పెళ్లి చేసుకున్న వండ‌ర్ వుమ‌న్ హీరోయిన్ గాల్ గాడ‌ట్‌కు ముగ్గురు కుమార్తెలు ఉన్నారు. ప్ర‌స్తుతం డెత్ ఆన్ ద నైల్‌, రెడ్ నోటీస్ లాంటి చిత్రాల్లో న‌టిస్తున్న‌ది.