రోషియాన్స్‌ బహుమతి

అందం, అల్లరిని రాశిగా పోసి నాజూకు సొగసుల మెరుపుల్ని అద్దితే ఆ సౌందర్యం రష్మిక మందన్నలా ఉంటుందని చెప్పొచ్చు. ఈ కూర్గ్‌ సొగసరి ప్రస్తుతం దక్షిణాదితో పాటు హిందీ చిత్రసీమలో కూడా సత్తాచాటుతోంది. సోషల్‌మీడియాలో చాలా యాక్టివ్‌గా ఉండే ఈ కన్నడ కస్తూరి తన సినిమా విశేషాలు మొదలుకొని ఫిట్‌నెస్‌ వర్కవుట్స్‌ తాలూకు వీడియోల్ని తరచుగా సోషల్‌మీడియాలో పోస్ట్‌ చేస్తుంటుంది. తాజాగా అభిమానులు బహుమతిగా ఇచ్చిన ఓ ఉంగరాన్ని ధరించి ఆ ఫొటోను ఇన్‌స్టాగ్రామ్‌లో పోస్ట్‌ చేసింది. తన అభిమానులకు రోషియాన్స్‌ అని నామకరణం చేసిన ఈ సుందరి వారికి కృతజతలు చెప్పింది. ‘ఈ బహుమతి చూస్తుంటే ప్రపంచవ్యాప్తంగా నన్ను అమితంగా ప్రేమించేవారున్నారనే విషయం అర్థమైంది. పుట్టినరోజు ముందు అందుకున్న వెలకట్టలేని బహుమానమిది. నేను మిమ్మల్ని ఎప్పటికీ ప్రేమిస్తూనే ఉంటాను. ఈ ఉంగరం ధరించే ఉంటాను’ అని రష్మిక మందన్న ఆనందం వ్యక్తం చేసింది. రష్మిక మందన్న కథానాయికగా నటించిన తమిళ చిత్రం ‘సుల్తాన్‌’ ఏప్రిల్‌ 2న ప్రేక్షకులముందుకురానుంది.

ఇవి కూడా చ‌ద‌వండి:

సినిమాలకు సెన్సార్‌ అవసరం లేదు!

రాజకీయ ప్రచారానికి వెళ్లినట్లనిపించింది!

తెలంగాణ యాసతో..